Birthday Dinner

話說係大概2個星期前就約定同雲尼慶祝佢o既牛一，就係上個星期大家都收到其中一位朋友仔通知話book左星期六(6/9) 係銅鑼灣食dinner，咁大家都冇為意就of couse 齊齊答''yes''啦，到o左星期六突然間我諗起有d唔對路~o下...佢book dinner唔係卦?點解我咁大反應?

因為有一次我地又係幾個女仔約出黎去尖咀dinner，朋友仔就話美麗華有間日本料理唔錯o既，咁好啦又齊齊去啦~殊不知一坐低，除o左朋友仔之外，我o地4個女仔都暗暗咁流汗...心諗咁貴o既，但基於已經落o左單又唔好意思走我o地4個唯有繼續坐啦，等o左好耐終於黎左兩隻天婦羅蝦(其實我地四個已經好肚餓，你話點夠分丫)好啦每人分左半隻少d，仲要蝦頭都食埋，跟住又係等，又等左好耐，忍唔住啦我地4個提議不如走啦，等o左成粒鐘先食得半隻蝦，好啦大家都agree 啦，賣單每人(記住係每人)夾o左30幾蚊，你o地可以諗下個隻蝦有幾貴仲要係''梅''o既，所以我地4個決定以後都唔比朋友仔話事，因為原來佢食野唔知價gar。

可惜今次大家一時醒唔起，咁就同另一個朋友仔mandy講啦~ (為左簡潔，以下講重點~)
花生 : 點算好丫...問o左係銅鑼灣o既新吉士食上海菜，上網check過間o野唔平gar wor
mandy : 不如打比雲尼睇下可以點啦
(三人會議...be le ba la一論)
雲尼 : 不如咁啦，我o地叫d飽肚又唔太貴既，如果真係唔飽就去食甜品啦

就係咁我地就照原定計劃叫o野食啦~好彩賣單唔計雲尼三個人100大元又食得飽飽...but 評心而論呢間o野幾好，如果大家唔嫌略為貴左d都可以去試gar~

是日晚餐


左邊朋友仔   右邊壽星女-雲尼


朋友仔去完日本送比我地既靚靚手信...多謝晒~

 
無聊影下...

之後我地食完飯去o左間cafe飲野，不過入去個時個食蕉叔叔擺明''合''我o地幾個女仔，話唔登唔比我地上去，但我地發覺好多人都冇登記，個晚心情已經唔係咁好，如果平時我就唔理照登記，好少開金口話人，所以我忍唔住嬲嬲地咁擺左一句比呢個食蕉人''咁個d人你又比佢上樓''，佢抵死仲要扮冇野問去飲野丫...(心諗真係搵野黎問,一入o黎已經講o左啦)，入lift前又贈多佢一句'' 唔係飲野咁入黎做咩丫''