端午節~

今日原本諗住早d起床, 之后同亞媽去睇龍船, 七點幾果陣, 媽己經打比我, 叫我起身, 但實在係太眼訓啦, 真係起唔到身, 當打番比佢, 又比佢散到一面屁, 灰爆.... 之后差唔多12點幾先捨得起身, 再打比亞細問佢去唔去游水. 佢當然話去喇, 呵... (因唔到佢話事嘛) 我地去到鴨利洲帶賣bb去深水灣玩水, 去到深水灣都差唔多5點幾, 去到后當然就係比bb玩下沙先喇, 但個衰仔竟然係怕沙, 嘩, 我都係諗都諗唔到, 佢完全唔肯落地, 連摸下d沙都唔肯, 好彩佢肯落水玩, 而且仲玩得好開心, 唉, 好在佢肯玩水, 如果連玩水都驚, 我真係唔知去黎做咩.