出血～～～～

昨晚我帶ｂｂ去左睇急診，因為佢痾屎出血，好恐怖．．．

當我打開佢條片時，我當塲嚇左一跳，佢條片竟然係有紅色野，我即刻帶佢入醫院睇，

入到去時已經１０點半左右，等到１１點１０入去睇醫生，心情真係好驚．

我驚佢係大腸有問題出血，因為我見唔到佢肛門有損．

當見醫生時，醫生就幫ｂｂ按下個肚仔，之后同佢探肛，好彩佢探肛時無血，如果唔係既話，

就好大件事．醫生診完后，話ｂｂ只係便秘，（心諗好彩）要ｂｂ飲多ｄ水同食多ｄ生果．

最后醫生比左ｄ輕瀉藥同藥搽ｐｅｔｐｅｔ．

我見佢最后都無乜事，個心先定番落黎，不過最重要係我媽媽陪我去先無咁驚．

夜媽媽入醫院個感覺都係好差，希望將來唔會再發生類似既事．