Ｉt d ｏ n ' t ｍ a t t e ｒ...!

Fight for our right to love...

Wellcome ! ?

井上日本料理　差ｄ訓著

網誌分類：飲飲食食 |

網誌日期：2007-09-22 16:45

收早，但係２點另鐘，晏就都未食，覺左陣，睇下有咩食，

由於人行路不熟既關係，亦都唔知有咩好食，但係心態係想食日本野，

起碼晏就過下口癮都沒晚市咁貴，兜下兜下，黎左依間井上日本料理。

見佢個井上便當(逢星期1轉款)好似幾吸引 $35

有沙拉．天富羅．剌身．漢堡排．麵豉湯．白飯。加５蚊會有杯橙汁(唔似係橙汁唔係好記得)

首先，張椅好唔好坐，好難”埃”。

依ｄ都萛，最過火等個便當黎等左夾埋９個字，中途叫佢幫我跟一跟，

如果唔叫我諗可能我會比人遺忘左。

好彩自己本身買左本書睇下解下悶，叫完佢跟進下，過左陣又話沒晒漢堡排，

我心裏第一個念頭係咪玩野呀。佢問轉薑蔥牛肉好唔好，唯有無奈地笑住講聲是但。

久等到差ｄ訓著，有點呆呀。

終於有得食，先飲個麵豉湯，邊飲邊吸埋佢入便ｄ蔥，我認為當ｄ蔥吸晒，個湯就沒乜特別，

係連埋ｄ蔥咁飲先好飲，只係個人喜好。

跟住再食個沙律，沙律醬好味，ｄ菜亦fresh，最鍾意都係ｄ蛋白。

其後邊食飯，邊食個天富羅．炸得唔油膩就ｏｋ了，因為唔係炸蝦，

對於ｄ冬古，番薯，青椒，炸完味道都係差唔多。

三文魚幾肥美，唔錯。八爪魚亦都唔會un，but沒乜味。

跟住至愛就係個薑蔥牛肉，相比起絕對好過漢煲排，

用黎撈飯真係"依支斑"呀！

不過...！都係離補唔到等左咁耐個啖氣。

因為架黎木台個哥仔又係叫我依個，佢又係吹左佢獲先有得食，所以大家都是黑住臉走的。

不過ｄ士應幾有禮貌，有老人家個ｄ亦會主動開門。

希望時間上既失誤只係一時失手啦。