感動

留低這一切　風霜洗禮　讓愛隨年和月　也讓你擁有
感動　再一次令你眼睛通紅
一秒感動　也可以忘掉舊刺痛　為我不再出走

---

由星期五晚至到星期日晚
跟阿霧共處 42 小時
基本上比阿霧完全熟悉我係咩人 黎……
傻笑發癲發火病痛全知……

我都知道阿霧係一個咩人黎……
至此我 更加學會珍惜我這個知己
對唔住呀……要你同個咁煩既人相處…… [要命]
你仲要同我有排相處

一切重新開始及振作起來……
接著下來的時間……是一段很長的冷靜期
反省、學習、改變、提升
我要做一個唔係頂 top 都係中上既 0 仔
聖誕節的到來……就是再度出發的時候 ~
祝自己將會幸福快樂……

霎時要改變身邊的一切……
使自己忘掉最痛的 回憶是很困難的
水瓶座……從來都是一秒愛上．花一生忘記的人
我的確好痛苦……擺左更多既感情同期望落去
卻最終不得好死……簡直重創
身邊、我身上的一切東西……都總會連繫到你身上
好痛．好痛． 好難過．好傷心
唔知道……要幾耐先可以修復番自己？


肥野打電話黎話我……
你份人太敏感啦……有時令到人地唔開心
仲話有其他人都講話要關心我好多既問題

坦白講……我有好多野有時都要人擔心
因為我的確未成熟去處理所有問題……
我自己既情緒上面都真係有問題
但係其實有 D 野……係我既性格黎……
性格呢樣野……邊可以變呢？

蘋果就係蘋果……就算外面變做橙樣……
佢既味道永遠都係蘋果……係無得變既 ~
簡單地我逐個方面解釋比擔心我既人聽

一．我的確係一個成日將衰野拉埋黎亂諗既人
二．我的確係一個覺得自己好乞人憎既人
三．我的確係一個好依賴感情既人黎
四．對於學 習……我覺得係抱興趣．而唔係為左會考
五．我既未來有住一個明確目標……我想做 DJ
六．我既朋友定義，係會關心、體諒、適量地提醒我既人，擺我係心中既重要位
七．我偏向受軟唔受硬，比硬我有 時會黎受，有時會反效果
八．我既情緒的確唔穩定，加埋自己既性格，我易發火
九．目前我係感情上既冷靜期，我唔諗住發展，都唔諗住搵水泡
十．我愛情第一．朋友第二．學習第三．屋企第四……我的確唔癡家．但係我愛阿媽

十點未必能夠解釋哂所有野……但係想你地至少明我諗乜……
性格既野無得變，我會減低佢既影響性（改善），但係我都想你地識得體諒我
而唔係迫我夾硬「去除性格」去配合你地……
（我費事又有人話我曲解喇……我認為你地唔係咁諗）
直話直說：如果唔係，做朋友黎做乜？