忙死人o既日子...仲要被炸彈 !

最近好忙...12:00放學...放得黎都差唔多12:25左右

未改簿...執少少野就要快閃去4樓食飯

因為校長同供應商傾掂唔簽一年死約叫飯

以前一定要一叫就叫一年

d 飯送騎呢到爆

其中有d 好經典...

某樣菜炒某樣菜........平時食開肉片蒜蓉果d 架嘛

新校長上任覺得冇理由一定要簽一年約

唔好食冇得退 , 攪到d 同事一星期有三四日食腐乳,罐頭 or   唔食

錢就比左, 質素就愈來愈差

所以 , 舊年點解肥左廿磅...係有原因

果間野咁難食

點食得落呀....咪自己每日叫外賣囉

食來食去都係茶餐廳....想食其他野都唔得

日本 , 越南 , 泰國 , 燒味都冇得叫...冇人肯送來....

唉...諗起果時係青衣做野

同事個 bf 係開車搵食o既

每日到 lunch 就問同事想食乜

同事都會問埋我食唔食野

食o既話佢 bf 去買

真係超好男人.......

突登去太子買油揸麵炸雞翼

外賣壽司 , 旦糕 , 泰國咖哩飯 , 越南炒粉麵等比我地食

當然呢d 咁好o既男人已經比人收埋左做老公啦

講返lunch ....我係一樓人士...上上落落幾層樓食飯

落到課室都成12:55....又要準備開門接下晝班.......

忙到不得了...

想搵我o既朋友 , 比短訊 or email  , 我要抽時間先可以回覆

尋日同同事去左食野~好開心 , 大家吹下水....舒發下d 唔好o既心情同怨氣

哇~~~好似好正~~~但我食一件已經要收手.....

因為幾個人食...叫左幾個小食....未食薄餅前已經食飽左~

超忙o既開學....被老同學炸左一鑊

人家仲搵到個令老婆....

令老婆睇落係大駛之人....

同學同學 , 小心身家~~

哈哈~~~祝佢地幸福快樂~

有日經過樓梯有不速之客由窗爬入

嚇到我死~~~~~~~~~~~~~~~~~~~

同其他同事不停輪流監視佢.....驚佢入侵我地課室....

見到佢後....我已立即 call 左去總部搵專人來執佢走

點知.......總部 call 專人

專人來時........佢已經閃走左出街...

我地當然拿拿聲閂窗啦~

好驚呀~~~~~

除左人類 , 所有會郁o既動物 ( 強哥, 嚴生, 狗 , 貓 , 昆蟲)我都好驚架 !!!