29-9-2007(六)小心!唔好行咁近我呀!

< 小心! 唔好行咁近我呀! > 

最近就成日對人講呢句野

事關上星期未到中秋前已病

初時都只係冇聲...喉嚨勁痛...

就岩唔駛返學o既星期五先去睇醫生

食完藥都未好得晒

平日睇 dr.曾  好快就冇事

可能自己又多野做

攪教學上o既野...中秋活動o既野....一早起身返工

放工後一星期返三晚學

星期二當值完又留係學校做野到九點先走

差唔多晚晚都係車仔餐

依家每晚都有一個 < 例車 > ( 全灣 , 街記同許流生中間果間車仔真係好正~)

就係 : 炸菜 ,齋 , 冬菇 , 油麵

所以...呢 3 樣送都一定會叫o既

有時會加埋大腸 , 雞翼....

其實食油麵好肥.......但又好鬼好味

食得呢d 咁o既味精野多

日日 keep 住 3-4點訓

每日係學校行上行落 , 返學又行來行去搭車

成日攪到一身汗....濕身後....又吹下冷氣....

病上加病

原本食左藥好左d.......經過中秋活動做攪手後

即係冇左半條命

第二日喉嚨痛到出唔到聲

唔止咁....咳到條氣管好唔掂...her her 聲...

咳到心肺勁痛...仲有綠痰

勁流綠鼻涕...

中秋翌日又冇dr.曾睇.....係hm 包左一大個垃圾袋雲吞

第二朝諗住請假

點知...........................................

手機 7:09 嚮......

咦....唔係平時叫我起身....

由六點半開始嚮...每隔10 mins 就嚮一次o既歌仔喎 !

睇下手機先...5 老c (雙班主任o既拍擋喎)

5 : 我今日請假 !

我 : 下 !! 我都係咁諗喎 !

5 : 我已打左比校長....

我 : 下 !! 咁快呀 !

5 : 依家幾點呀...我住圓朗呀 ...一早要起身架

我 : 係 , 係, 係 , 你乜野唔書服呀?你係咪食左六黃月餅同冰皮多呀 !!

5: 尋日放假冇食過月餅 , 係家做野 . 之後夜晚痾左成晚 , 坐係廁所冇訓過...

我 : 你食過乜呀 ! 食錯野呀?

5 : 唔知 , 都冇乜食過野 ,  不停咁做野 , 都冇訓過 , 夜晚就咁咯

我 : 唉...你訓下啦 , 我返工喇

5 : 你唔好彩 , 比我截左糊先....

我 : 唉...呢排真係黑仔...我冇聲返去都好過你痾住返...靠我都唔掂 , 我失聲

5 : 2c 靠你喇

我 : 唉...我平時都兇佢地...今日返去再勵下d人...應該都 ok o既,而且返校又忍唔住大聲話人 , 冇聲都變開聲....不過 , 可能過多一日到我請失聲假

5 : 好 , 一陣email d 教案比你睇

我 : oh ! 我想死呀 , 仲要睇野 ,

5 : 唉 , 下星期要用你唔睇唔得

我 : 我知 , 我依家連病都唔得閒好慘呀 , 下年唔做級任呀 !!!

5 : 你同校長講囉 , 不過多數都係走唔甩

我 : 妖 !! 起身執樣喇 !

聽完呢個電話...死死下咁死返學校

個個話我面色勁差...又冇聲....又勁鼻涕

我只好叫人唔好行過來..........費事傳染比人

同校長講早走一個鐘放工去睇醫生

之後再趕返學.....食d 野食埋藥....好累....上上下有d 眼訓....

半訓半抄筆記等到放學

好可憐o既返工返學生活....

依家第一個月都未過.........仲有3 年捱.........天呀 !