網誌分類：未分類 |
今天打開雜誌，有個編輯寫開場白，話呢個世界做衰人一定開心D，自己做唔出賤嘢，老實人永遠睇住心儀嘅女人俾賤男人呃，身邊多是蛋散上位，這個想法相信我們這一輩人多少有D體會。只怪社會凡事物資掛帥，故舊同事說打工要生存只有兩種人，一係做牛，一係做狗…多少同意的……有冇D狗面牛、牛面狗、狗頭牛身等等就要搵生物博士研究嘞。
我這個人不大懂也不大信何為善惡，我覺得世界只以因果而立，而人追求不外錢或面(名和利，其實到最後都係面，人基本要的物質只是三餐一宿)，手段不同(或手段高低)就出現好多有趣嘅因果，比如說做牛的不擦鞋，保尊嚴面子就難得財，相反如是。有人想要錢要面，非得有其才智手段高，搞不好像像皆皆財面兩失，(像我們)沒祖陰的，則多二選其一。
不要財，不要臉的是什麼？我不知道……是人嗎？
