網誌分類：未分類 |
要交功課，對我呢果新世代文盲來講，重慘過叫我去擔泥。閉關幾日都寫唔出幾個字。好痛苦寫完篇狗屁不通嘅文，可…悲…，望住電腦成日。眼都花。又偷下懶轉載人地D嘢！
自己都係好急燥嘅人，打工時10分鐘成碟飯食晒，終於依家日日要食十幾蚊一粒嘅胃藥。我都好想慢番D，但係不自覺行路好似跑步咁，見到留梯慌死慢就四五級都照跳可也，結果又要食關節藥。依家都學下拉慢番D節奏，但行路就真係慢唔到。
我最憎D人係繁忙路上慢慢行，最衰係成家人一字排開龜速前行。我通常都唔理鴿硬攝出去，重有D我好唔老黎嘅係D人入左地鐵就企正門口唔郁。嘩，大佬，後面成村人要入嫁！
講開又講，近日去茶餐廳，好心讓個卡位比三個師奶，自己座隔離圓枱，叫左杯奶茶好耐冇黎，問伙計，原來去左三個師奶道。三個人，枱上面卻有四杯飲品，都唔會問下係咪頭先個後生仔。好彩伙計好心冲過杯比我。_____________________________________________________
(綜合報道)
(星島日報 報道)有時候，我會想是我的生活節奏過快，還是別人的太慢？
每次乘港鐵返工，入閘或出閘見前面有人拿起手袋，在閘機上使勁「猛捽」，我就會「火都嚟」！「麥記」排隊Order，那些人輪到自己才想吃甚麼好呢？無名火又嚟！超市排隊付錢，前面的人硬要等到知道總數才從手袋裏拿出錢包，點忍？
「不用急，最緊要快！」彷彿已是大部分港人的生活座右銘。聽說意大利 有個名為「慢生活藝術」的組織，會在街頭向途人發傳單，鼓勵別人行路時放慢一點；更甚的是，會員會對走路太快的途人發「罰單」，警告他們要過時刻放緩的生活。
今天就由一餐午飯做起，試試將平日十分鐘吞光的飯盒，拖慢至半小時或四十五分鐘吃完，看看會否快樂點？(館長有Say)
Miao 2009-04-24 01:48
GELGOOG2009-04-24 12:30
Miao 2009-04-23 23:49
GELGOOG2009-04-24 01:30
呢個題目最近都有人講下，字面唔係好合羅輯，其實意思係又要快，但又唔錯得。
如果D工作冇鑊氣，想放工咪走囉，第日先做，反正永遠做唔完。