笨蘋果

今天趕完幾份報價，跑去捐血，不知不覺已經連續捐左32次，但係姑娘第一次話我血紅素不足，唔捐得！冇理由丫！肥斯大隻！姑娘問我係唔係最近唔夠訓……呀……呀……姑娘你冇估錯。

好好好…今晚早D休息…但係最後返到屋企又夜媽媽……剛食完晚飯又唔可以即刻訓。寫下Blog囉……喂！聽日上晝有野做、要早起身呀……又唔夠訓啦…命苦…

遲左2年先玩FF VII Crisis Core，老人家慢三拍，不過有心唔怕遲，依家唔怕俾人話Out，有得玩本來已是奢侈。年初法國廠家來香港，識左咁多年先知佢係漫畫迷，法國Manga市場僅次日本....Orz....。經過電玩店買了FFCC，東方私房式文化在西方也行嗎？Final Fantasy 可以的。

FF看到的是力求完美、是超越、是背後不單純為眼下金錢，像故事裡，想成為英雄而沒有放下戰士榮譽的製作人員。

FF VII Crisis Core 是一個好人冇好報的故事，當中Angeal、Genesis、Sephiroth都是悲劇人物，但回頭最可憐的，是無姑捲入時代旋渦裡的主角Zack，善良的他為著他人不停奮戰到最後，支撐著他的是夢想和單純的善惡對錯，最後為守護中了魔晃毒的Cloud(FF VII 主角)犧牲。深愛著Aerith但已沒有機會表白，也看不到Aerith為他寫的88封信。