點解要俾錢？

十多年前係七仔附近，有個細路走過黎，話阿媽冇番屋企，佢冇水飲，當時佢件衫都幾污糟，我俾左十蚊佢，佢即刻走左入七仔。

五年前係灣仔，一個牛龜咁大隻、著西裝、講普通話嘅男人話行李唔見左，冇錢食飯，我俾左廿蚊佢，佢話唔夠，我話你去麥記買嘢食囉，想食九大鬼咩！

一個星期前，商場有個細路女問我攞5蚊，我問佢攞黎做乜，佢指住精品店話買畫紙。(果間唔係文具店，賣D嘢全部有公仔如Hello Gi Gi、Kero皮，果D)我話梗係唔得啦！(最驚訝佢好理直氣壯問你，你拒絕佢，佢又完全若無其事咁望番住精品店，都唔知係佢面皮厚定EQ奇高！？)

早前買祺，果細路叫你，"買支祺丫！"，我入左5蚊，佢俾支祺你，走左，由始至終冇一句"唔該"，冇"多謝"，我走前幾步，留意另外一個賣祺嘅細路講乜，一樣咁冇禮貌。

睇下張祺，個慈善機構聽都未聽過，其實最近D賣祺，十間有九間未聽過，你又話幫老人家，佢又話幫青年人，究竟最後有幾多錢去左有需要嘅人手上呢？香港咁多慈善機構，D資源喜不是超級重叠，D行政人員又話要出糧。

我個5蚊俾個細路女，起碼知佢買Hello Gi Gi畫紙，可能佢將來畫左個 Hello Lily 出黎呢！？

我朋友50多歲，在北區打工，政府有個支持北區市民打工嘅交通律貼，但係佢個人資產超過4萬蚊，冇資格申請，大佬，四萬蚊唔係乜野錢，難道要佢先坐食山崩左，先鼓勵佢搵工，到時都已經六十幾歲，重做乜？佢七八十年代花了半生人坐係部衣車前面，幫了香港經濟起飛，節衣縮食儲了點錢，到依家都只係想自力更生，社會卻在懲罰她。

偽善的機構在幫厚顏的混蛋，官僚的官員只計算自己的飯碗，整個公營集團，難道最有存在價值的，是審計處？