830場外report 1

830當日心情實在唔係太好,,所以選擇左自己一個去場地
係酒店休息左一輪,大約係開場時間到達國立車站
一出車站門口就有十幾個人舉住求飛的牌大叫
可能因為我著住AAA T的關係,佢地全部問我有無飛=.=
我有飛就自己入去啦........

係離國立5分鐘路程的地方已經見到好多人聚集
有人仲野餐(之後落雨肯定好呢hea)
企係度可以由高處望到國立的煙花,不過完全聽唔到聲,所以我決定行近d


黎到國立場外,見到三支旗桿的地方
我估唔到會有咁多嵐飯,比起剛才的平台更加多
由於已經開左場,於是決定同眾多嵐飯企埋一齊,唔係國立場外兜圈
當時已經落住毛毛細雨,大部分人都著上雨衣或者擔傘

我完全唔知呢度係咩位置,只係知成晚都無人係場內經過,連工作人員都見唔到

場外當然大部分都係女生,不過都比我見到1~2個男仔
年紀有大有細,有d好明顯係小學生,有d係放工走黎的人,有d活躍d的係中學

有唔少人本身無帶傘,又或者用黎遮住d con goods
所以開場無耐已經見到好多落湯雞,成身濕晒,打晒冷陣
場內外的人個個都捱緊凍


我一開始停留係接近藍色圍牆的左面位置
不過係右邊有兩堆特別high的女學生(有顏色的兩個圈)
所以我後來就行去個面企
見到有人著和服(不過落大雨個時就走左......和服淋濕肯定好重)
又有幾個人著住有印有嵐字的工人褲~~~分別有5種色~~
件衫好靚,日飯又襯得好好睇,不過為左禮貌無辦法影比大家睇




我初頭都以為會聽到ARASHI歌聲
但原來國立的隔音真係好好,我企係咁近的位置都無咩聲
主要係快歌個時先會有聲,佢地5個講野更加係聽唔到
最清楚係嵐飯的大叫聲,同埋落雨的聲!!
開場時候無咩人講野,大家都好靜,用力去聽場內的情況
有人細細聲跟住唱,有人拎手燈同扇出黎

個天已經好暗(好似video入面咁暗)
仲落好大雨......不過部機自己影得好光
大家睇片就知當時真係好大雨



仲有d片未upload晒,下篇再續~~~
(個標題真係頹到爆=_=場外report........)