830場外report 3

其後我都開始相信入面可能真係有人走左
因為一開頭fans的叫聲明明好大聲,大雨之後就細左好多
有時仲聽唔到入面有叫聲/音樂聲
諗到佢地5個的努力,無人欣賞,個心真係好痛
好怕佢地會唔開心,好驚佢地以為自己的飯唔支持自己
諗到聽日的報導,好怕佢地會比人睇小,擔心到我頭皮發麻,每一秒都想喊
在場的飯肯定都係咁諗,所以有咁多人喊
當時全部人用盡力大叫arashi,,想話比佢地知仲有一大班人撐佢地
大家叫完一輪之後,聽到入面又有音樂聲,開始冷靜d



以上當然係一次的誤傳事件,源頭係邊已經無從稽考
我完場時搵到香港飯,,證實只係個誤傳,個心都定返晒.......
但呢件事更加令我感受到日飯的熱情,以及眾人對arashi的愛


之後為左表示支持,大家都活躍起黎,跟住入面的音樂唱歌
大叫本命的名,仲有人跳埋舞,氣氛變得超好(加上d雨細左好多)

有時會有d汽球飛出黎,如果係黃色
所有人就大叫ninonino!!!有d日飯仲叫個汽球飛過黎(估到)超好玩!!!

以上就係大家見到藍色汽球的癲樣

又會叫自己本命的名



日飯跟住ARASHI唱5x10,個刻真係好感動,有d人又喊過
不過今次係默默流眼淚的喊......
佢地唔同我,佢地隨時返屋企都得,但在場的飯仍然肯冒住大雨係場外一路支持佢地
好多人都全身濕晒,又大風,又凍,打晒冷震
雖然唔似得場內的人可以聽到歌聲可以見到生人可以感受con的氣氛,
但佢地依然留到最後一刻
又係無聲的時候大叫、唱歌,盡自己的力量支持場入面的5個人
佢地每一個都好愛嵐.........個一晚,,我真係完完全全地比日飯感動到




期間發生左一段小插曲
誤傳場內無人的假消息之後,曾經有一個工作人員爬上藍色圍柵(圖的右上角)
伸個頭出黎講野,全場人又再一次衝晒埋去右面,佢用日文講左幾句
之後就走左喇,人潮又散開左........到依家我都唔知當時佢講左咩
好後悔無問人........唔通佢係叫我地加油

大家唱左好幾次生日歌比松潤聽
佢地鍾意叫佢做松潤架!!

  之後亦有唱到happy birthday to arashi!
不過因為記憶卡無位=口=錄唔晒,好可惜

之後到encore部分仲high,紫圈的活躍飯只係講左一句「唔好意思」(呢句我識!)
都未講想點,全世界人就get到佢想點,好快咁自動圍左一個好大的圈!!
一齊同場內大叫「A.R.A.S.H.I」

叫得好爽

之後日飯們一齊唱歌

最後唱埋感謝感激arashi



最後大家玩到完場都唔知(聽唔到入面完左未)
結果有個工作人員係藍色圍柵度伸個頭出黎,叫大家走,唔好再叫
於是全部人超級聽話,立即拎野走,完全無人賴死
大約幾分鐘d人就差唔多走晒
紅圈同紫圈的飯仲交換電話,一齊走
而我影多左幅相,之後亦都走左喇

當日曾經有諗過留係酒店,唔去國立場外企,免得傷心
幸好,幸好我有去
如果我無去,就經歷唔到咁好玩的一晚
雖然見唔到5位主角,但有一大班嵐飯陪住,依然好開心
我一直夢寐以求同一大班嵐飯癲晒咁唱生日歌比JUN,係當晚就實現左
而且仲見識到嵐飯的凝聚力,感受到每一個對arashi的愛
我諗以後都好難再有機會體驗多次喇(因為我以後都一定要入到場)



返到酒店發現相機的鏡頭出現左水氣=口=所以最後張相咁模
第二日完全影唔到野.........幸好返到香港d水氣就散左喇