國立後感

我絕對無後悔今次的日本之旅
雖然我知道呢個旅程包含我人生其中一個最大的遺憾
但係我依然好慶幸我有去到


我諗自己係比較少數去左東京但係入唔到去睇con的人
當日我同幾百個日飯一齊企係場外
大家一齊大叫、一齊喊、一齊努力咁聽場入面的歌聲、
一齊比雨淋濕、一齊大聲唱A.R.A.S.H.I、
一齊唱生日歌、一齊祝潤生日快樂、一齊激動、一齊比人趕..........
係完場的時候,我見到有一堆堆的日飯交換電話、傾計,真係好感動
我唔識日文,一直只係做個局外人望住佢地互相結識
望住一段又一段的友誼開始萌生
我覺得做到一個嵐飯真係好開心
如果唔係因為佢地5個賜我一個咁的身份,我都唔可以識到其他嵐飯朋友
亦唔可能有咁多快樂的時光
我一路行返酒店一路忍唔住偷笑
我好高興我竟然有幸做到一位嵐飯


然後......我終於唔再咁介意自己未能陪伴佢地過十週年國立呢個事實
我終於唔會因為太傷心而避開唔望佢地個樣
我終於可以望住人地的repo笑


arashi從來都係我努力的原動力
我一定要加油!!!要狂儲錢!!!!要係大學狂玩!!!!要enjoy my life!!!
然後帶住最好的心情出年去見佢地!!!



P.S.當日我雞手鴨腳咁錄低左一D場外飯的片
等我星期日學下點UP上黎,整個國立的場外repo
(勁頹.....竟然係「場外」完全無人想知場外的野lor.....=3=)