浪漫的星期六

真係超懶,成兩個禮拜無打過blog


琴日有大半日都浸淫係浪漫之中
首先朝早去左睇twilight
真係好好睇
係完全唔知佢係咩戲種咩劇情的情況下去睇
原本諗住都係彊屍片一齣
點知原來係愛情片,,仲要係好有驚喜的愛情片
男女主角愛得乾淨利落而又不俗套,
想靠近一d,,都又要有所克制,,經常用眼神黎談情,,有d神交feel
由相識到相愛都係咁鍾意互啤對方XDD
男主角雖然完全唔靚仔,不過氣勢好足,
而且特意營造的專一形象真係殺死人
更令我著迷的係男女主角好似無原因地鍾意左大家
男的純粹因為女方的味道
女的純粹因為男的神秘
再加上畫面拍得好靚,灰調子令成齣戲好有吸血鬼的味
而且經常落雨又濕又凍咁,真係好好feel
介紹大家去睇下~~
我好有可能去睇多次


男主角的眼神氣勢超凌厲,
不惜一切要保護女主角,將bella當成係自己生命
淨係呢兩點都已經夠殺死人啦


打捧球個度真係好好笑
要打雷先打得捧球XDD
值得一提
做醫生的吸血鬼父親真係好靚仔,係正宗的吸血鬼樣貌,仲要又親切又幽默
如果我老十年我肯定唔會比男主角吸引住
而係比佢秒殺到暈左



呢兩個人真係襯到呢~~
幸好JUN同MAO一定唔輸比佢地
呢一場浪漫得好緊要,有花男結婚場面咁浪漫啊!!


自鍾意左arashi以黎,第一次全日都無諗起佢地,淨係諗住齣戲
有時化學作用呢樣野真係好難講,,突然有樣野可以無原因地令我好沉迷
例如:arashi




完全脫離現實的愛情最好睇
我睇戲的其中一個指標係:
電影入面的事物/人物/橋段/交代的情感全部都應該與日常生活所見的完全唔同
咁先有意思
所以一般的港產片實在唔能夠吸引我入場
十分愛個種戲我真係唔會有太大感覺
相比外國/韓國,,港產的愛情片好似有d表面
永遠都中唔到最令人心頭一震的位
(當然我其實無咩點睇過,因為印象太差)
事實上,,對於愛情片的興趣一直都唔大
如果我事先知道twilight係愛情片我可能唔會睇



睇完twilight就入左元朗的一個教堂
參加miss的婚禮=]
亦都係因為咁,我地成班女仔琴日都打扮得特別熟女
好幾個都因為d高跟鞋攪到對腳好痛
成個過程都好開心,個牧師一路講野一路攪gag
沈太沈生好襯,,兩公婆企埋一齊傻笑真係好可愛
最尾miss唔拋花球令大家有d失望
不過影左好多相都唔錯啦
我諗人生都無咩機會睇人地係教堂結婚,好似睇緊電視劇咁


之後就慘喇,去旺角補習,
一路補一路超頭痛,,仲要成日遊魂遊左去twilight度
成堂好似無咩得著,淨係抄足d notes.....





12月6號終於攞到我等左兩個月的電話喇

好無奈地
我到手的第三日已經將佢拋跌左落地下仲要滑行左1米
機身無咩問題,但係個鏡面就花晒喇=.=
唉
我認同人有一d基本性格係無得改,
我都解釋唔到點解我讀7年書會換左5條夏季裙,2條冬季裙,4件冷衫,兩套運動衫
(9成都唔係因為size的問題....)
用4個電話唔見左3個,,用左一年個本詩歌集會舊過我家姐七年前個本幾倍......
所有野到我手都係凶多吉少
希望lee個電話可以打破8個月的宿命!!

我鍾意佢係摺機,d制夠大粒


wallpaper當然係我的最愛la :D

如果有一個藝人比到我junxmao的感覺
咁松本生就一定唔係我的大本命喇
幾時都係兩為一體比起佢單丁一個更令人尖叫