做到個廣告識飛

有冇諗過，用烏蠅做media channel先？！

冇錯！就係搵烏蠅幫你傳銷，替你傳播信息勒！

一間德國廣告公司，幫一間德國出版社諗嘅奇"橋"，喺書展度放烏蠅，冇錯！係放烏蠅，唔係放白鴿放汽球放炮仗，係放烏蠅，喺佢哋身上縛上advertising message，然後等佢哋四圍撒播，頂癮！廣告公司仲諗埋，啲縛在烏蠅上嘅物料，係biodegradable自動溶解嘅，慢慢就自動消失，唔會虐畜、吖，唔係，係虐"蟲"嘛，又唔會打擾啲烏蠅嘅前途同生活太耐，好快佢哋又會回復無牽無掛好free嘅日子勒！

你咪話人黐線同gimmick，間出版社嘅logo係乜呀？烏蠅呀，出師有名喎。衛唔衛生未必，起碼好玩。

呢啲烏蠅廣告，算唔算做到個廣告識飛呢？