咸濕雪糕

雪糕明明係甜，點解會咸？

太多廣告手法，將對雪糕嘅欲望演繹為一種sensation，一種temptation，一種欲罷不能，甚至一種有犯罪感嘅guilty pleasure(因為至肥)，但上面個print ad搞到放大到戲劇化到神職人員像fetish戀物癖又獸性大發，爭在見唔到G-string皮底褲同手銬，唔係話你好誇張，又唔係唔明你想幽默，之但係呢個畫面，唔係幾apetitizing，"餓狼神父艷修女"，似咸片，多過sexy。

很多年前，我做過Haagen-dazs雪糕嘅廣告，sell的是sensual的、感性的、情感和性感，sell愛情感覺，有拉扯有欲拒還迎，有打情罵俏，有風露立中宵，有同事每次我寫copy都急不及待要睇我那給雪糕的情書，(實不相瞞，本人寫情書都有兩手，不止一手，keke)出街的不出街的，都被她釘起貼堂。

賣雪糕啫，SM得太人工化，反而不美。