第七篇網誌の十八年前今日...我做緊乜？

1990年5月6日

野牛跑出自己從未唸過可以做到的成績~

香港田徑錦標賽的3000米障礙賽，自己田徑運動生涯當中最高水平的一場比賽，最終只係跑第五名，但10'10.7"(十分十秒七)呢個Personal Best Time，可以話從未想過自己可以達到的水平，該場比賽高手林立，包括香港紀錄保持者郭漢貴及一眾外籍跑手同場競逐，最終前五名依次為：

1) Chris STARBUCK

2) 郭漢貴

3) Paul HAWKINS

4) 黃葉礎

5) 野牛

跑第五，當然無獎啦，但同年就贏左香港田徑聯賽四站總成績的"最佳表現獎"，我當時所屬南華會係Division I，以上其中三位的屬會係Division II，所以避開左幾大高手當選D1最佳，嘻嘻....

86年開始參加香港公開賽；88年青年組Last一年，首次攀升至香港青少年冠軍；89係最艱難的一年，剛剛升上公開組，水平未跟得上，但同年又有一巨大誘惑，有機會代表香港三項鐵人青少年隊到日本比賽，魚與熊掌，好難取捨！

田徑係我當時最愛(其實足球才是我永遠至愛的運動)；但三項鐵人運動自己的表現相對較貼近亞洲及世界水平，層次上更可挑戰自己從小對運動的理想(初時只係夢想)！

90年仍然係希望兩者兼得，應該係加入左單車訓練之後，不經不覺間增強左自己下肢力量，所以成績有顯著進步！

(不枉自己下定決心放棄原本於份工，最終選擇~走去航空公司做Boy，都係希望偷多些時間，專心練習)

p.s.多年來都想組織下自己運動生涯的戰績及處理好自己的戰利品，拖下又一年，拖下又一年，部份獎盃都變晒色，甚至報銷！趁自己玩鐵人廿周年，一於在網上攪好佢！(目標係用一年時間，整理好廿年歷史)