發高燒玫瑰疹

真係好忙...小燊睇少眼都唔得...
平日湊佢既日子...已經完全沒有自己時間了...

加上，有時間又要預備上堂既野...
個blog幾乎放棄咁滯...

話說，6月22日....要留小燊在家上堂去
呢日，可憐的小燊下午開始發燒.....
因為，我要做野，所以由奶奶負責帶小燊睇醫生...
小燊...無流鼻水、無咳、咽喉又無事...
唔明點解...醫生話佢冷親囉！

食左退燒藥...我一回家見到小燊...
同平日一樣...好活躍......都安心...
點知半夜4點....又燒 102度...
又捉小燊食藥.....

6月23日早上...退過燒....
但藥力一過又再燒.....
我心裡都知道...應該係"可惡的玫瑰疹"
因為很多0908既BB...都出過了！
情況很接近.....
下午，更燒到103.5度

我一心以為，帶病服藥後的小燊...應該會好好訓...
但，事實上...同平時無分別....只係訓半小時
一樣的精力旺盛...四圍琴....
我仲以為可以抖下添！

原本，開始了戒媽媽奶...因為小燊病....計劃又打亂了！
因為，小燊開始唔肯食奶、飲水......只肯食"我"...
半夜更加無覺好訓....仲慘過平日呢！

6月23日...燒...不退
退燒藥都沒有了！只好再看醫生....
加重左藥...一次過服兩種....
食了...好一點...
半夜...又再燒...很擔心
期待燒怏點退...疹早點出

6月24日 .....下午，終於沒有再燒了！
沖涼開始見現紅點......
太好了！出了！
不過，星期日去柏麗灣游水...就無我地分爬喇！

6月25日....紅點...全身都係喇！愈來愈多呀！
要煲金銀花洗身啦！
依然...都係一滴奶都唔肯飲.....

6月27日.....同 Jayden仔借d 奶粉...比小燊試下食唔食...

竟然，轉左奶粉...就肯食.....
所以，要轉奶粉喇！

可惡的玫瑰疹...直到6月29日先完全退晒！