(July26) 書展09簽名會實況三

好啦,到o左星期日書展o黎,亦都係我最後一場簽名會,因為都知道o係booth簽會好多人所以我早到o左以免大家等得咁辛苦~  

但去到先知原來之前幾場簽名會都遲o左,所以我要4:30先開始,咁我就企埋一邊等啦,期間有o的排唔到隊o既讀者都有走o黎同我影相,其中就係每年都整阿呢公仔俾我o既小豬Yan Yan兩姊妹喇,今次佢o地整o左豬仔,好得意 


除o左豬,仔仲有阿貓,阿貓8仲要有假髮,太強喇你o地,搞到我都忍唔住話"你o地係為贏大家而o黎o既~" 哈哈     

好多謝小豬同Yan Yan一直o既支持呀 :D


除o左公仔,小豬個頭都有阿呢


原來係BB阿呢...哈哈好搞笑  


好啦開始簽名喇~


今次都係April幫我手,     晒你April!!




條隊真係好長,而今年TDC又唔俾人o係booth簽名(雖然個個都照簽),所以出版社耐唔耐就要截隊,不停截o左好多次,o係度同排唔到隊o既讀者講聲唔好意思


另一張讀者排緊隊o既相


條隊圍住皇冠個booth去到好遠,有讀者見有人影相就用阿呢o黎遮面...哈哈    


繼續簽簽簽簽~


再繼續簽簽簽簽~ 


阿呢小隊o既阿吉同Ryuda, 多謝你o黎支持


今次除o左簽名影相外,可以o既話我都會同大家講o下笑...嘻嘻   


我個簽名會有個特式,就係好多媽媽會同小朋有一齊o黎,而個媽媽係鍾意我多o的o既


呢位小朋友好乖呀


以下係大家o係facebook tag我o既相,抽幾張鍾意o既出o黎啦  

好鍾意讀者影我呢張則面相 :)


我發覺我o的女讀者都好靚女~  


同埋都生得好可愛~~


最後當然要post o下阿呢小隊Sam Sam送o既禮物啦,佢竟然整o左架阿呢巴士俾   


你睇,連後面都有阿呢新書,真係好有心思呀,多謝你Sam Sam


好啦,一連三日o既書展簽名會終於完滿結束喇,o係度要多謝有o黎撐我o既每一位讀者,我今年真係好開心呀,我會繼續努力o架喇,希望下次有簽名會都會見到你o地啦!