停下來，想一想

最近，由朋友口中得知另一位多年好朋友，因為工作上不如意事好唔開心。首先我要響呢度同呢位好朋友講聲對唔住先，因為我一直都忽略左關心佢。但另一方面又另我更想多一點點。

今晚，去左睇AT17既"Two of us"演唱會，當然演出一流啦，但我最鍾意係佢地同觀眾既分享，有一樣野由離開壽臣至返到屋企都一直想著，二汶提過香港依家好多人與事都快來快去，好多時我地都未必諗到我地究竟想要甚麼，想留住甚麼，事情就已經完結或過去，有時我地會錯失了一點，忘懷了一點。

其實現今香港人，包括我自己每一日營營役役，口中就話希望得溫飽，但溫飽真的需要我們每天工作二十小時，放工回家繼續工作? 還是活著是為了一份自己不願意打的一份工，為著的是一份不必要的名利，一份無形的公司地位? 很多時都羨慕身邊朋友可以以自己的興趣為自己的終身事業，記得表妹放棄香港某大船務公司工作，隻身投身入全職教琴，真教人羨慕。

講返好朋友，現在是否真真正正要想清楚工作是為左名利定係生活一部份? 如果為名利，此份工作是否真真正正可以為自己帶來名利呢? 如果好似我咁覺得工作只係生活一部份，甚至係可以係可以當係一場遊戲的話，公司的任何安排其實都係一個小插曲，又何需掛上心，不開心呢?

2009年又到了，於去年自己做成點，各人心中有數，希望大家響2009年來到前於心裡上有所準備，比少少時間自己停落來，想一想自己人生中需要甚麼，欠缺甚麼，好讓自己於生命中有所安排。

Elaine, Kathy, Fai, Alan, Ray, Kenji, Tiffany, Raymond, Ron, Sammy, Cliff, Lewis, Antony, Ellis, William, Mary, Eva, Charson, 三叔, Dennis, 同埋所有真心對我好既同學仔同朋友 (下減一百幾廿個名).........I love you all......