小威威專訪 <有福氣> - 壹周刊第1028期 動植物公園

小威威專訪已經o係今日出版既壹周刊刊登左喇, 好開心呀!

真係好多謝壹周刊既趙小姐, 同埋另外兩位攝影&助手哥哥, 幫咪媽完成左呢一個小小既心願.

咪媽既心願唔係要博出名出風頭, 我既心願, 就好似o係之前講過既, 係希望可以俾多d人知道, 只要每一個人都付出少少愛心, 咁呢個世界上既動物, 不論健全或者有殘障, 都可以生活得好開心.

但係, 趙小姐呢一篇專訪, 唔單止幫咪媽將呢一個訊息傳開去, 佢仲好到肉咁, 將我一直一直好想同貓義工sandy & bingo媽一家講既野, 寫左落去....

我一直都覺得好感激sandy & bingo媽一家, 但係又唔知點講, 尤其是係bingo媽, 冇左佢呢個暫托媽咪, 我就唔可以有一隻咁攪笑又痴身既囝, 佢除左照顧威仔既生理, 令到佢打敗死神, bingo媽仲照顧埋威仔既心理, 令到佢可以由內至外, 都變成一隻好開心好快樂既貓仔.

我一直都好想講上面呢一番說話, 但係我有語言障礙, 成日都詞不達意, 自己都唔知自己講咩, 所以, 今次壹周刊既趙小姐可以理解到我既想法, 仲幫我以第一身寫左呢d道謝既說話出黎, 我真係好開心, 好感激佢

順帶一提, 除左去hkcats之外, 你地仲可以去以下地方, 買到威仔既月曆架:

(排名不分先後)

• hkcats
• 小老三
• Jos
• Lisa
• 西貢貓
• 尊善會