姣婆守唔到寡

又係我呀, 哈哈哈~~

前幾日先講過唔會再o係呢度寫blog, 但係今日我終於忍唔住, 要返出黎走一轉

其實我之前諗住唔再寫blog, 係因為2010年小計劃裡面, 有一項係關於寫作.... 我好怕我一時手快快將唔應該發表住既野, o係呢個blog度寫左出黎, 咁就會影響左我呢一個新計劃既進度.

但係, 經過左幾日時間之後, 我就發覺到, 我一停左呢個blog, 當我真係落筆寫我計劃中想寫既文章時, 思路會好似漏水咁漏哂去, 打左成個鐘頭, 都仲係得三百字左右, 仲要係自己唔滿意既文章.... 真係.... 攪咩呀???!!!

就o係呢一個好唔開心既時間, 我又上左黎去巡你地既blog, 巡下巡下.... 就發覺到, 我又可以開心返lu~~

原來, 一邊睇你地囝囡既相, 再一邊睇下你地既生活日誌, 係我生活中好大好大既享受~~

Panda仔既純真眼神, 奶油豬可愛得黎又有少少古惑既傻豬樣, 豆丁一臉認真既俊俏樣, Gulu俾細妹蝦既無奈表情, Happy媽既黑白太極貓咪咪, 同埋無數無數既網友.... 平日唔覺唔覺, 但係, 原來你地已經植根左o係咪媽既心中, 冇左你地, 生活係會少左好多溫馨同埋樂趣. 

所以, 咪媽退引左幾日咁大把之後, 就宣佈:

我呢一個姣婆係守唔到寡架!!!!

等我自己搵把電剧黎saw左自己個牌坊先, 嘩哈哈哈~~

小咪公主 (威仔媽) 重新開張, 歡迎光臨指教啊!