BLOG 主頁｜ 服務中心｜ 雅虎香港
      有小威黃貓芝麻陪伴既日子, 真係好開心呀~~
      留言

      最新網誌

      編輯 關閉
      網誌 我的網誌內容搜尋：
      引用 檢舉

      今期壹周刊 - 踢爆傳心師真面目

      網誌分類：貓狗事件簿 |
      網誌日期：2009-11-06 14:45

      各位朋友有冇睇今期既壹周刊呀?

      除左期期都有既"動植物公園"專欄之外, 今期o係時事版, 仲有幾頁紙, 係講一個傳心師昆d寵物主人既報導.

      其實, 咪媽o係幾個月之前, 報讀傳心術初班時, 曾經為左要研究跟邊一個導師, 而上網search過唔少傳心師既資料.

      當時, 我就已經同咪爸講, 無論點都好, 我一定唔會跟呢一個女仔上堂.

      原因其實好簡單, 就係呢一個女仔o係其中一篇訪問入面, 一邊同個記者講野, 吹噓佢自己幾咁有power, 一邊就大啖大啖咁食羊扒, 就連個記者都questioning佢, 你一邊食動物既屍體, 一邊又話可以同動物溝通.... 好似有d講唔通喎.... 跟住個女仔就答左一d似是疑非既說話, 令到咪媽覺得好反感.

      當然, 做傳心師, 唔代表你真係一定一定要食素, 不過, 如果可以既, 我相信好多以傳心術作為職業既朋友, 真係會免得過都唔食肉囉.

      就算呢個女仔真係唔食肉會死, 咁可唔可以等個採訪完左, 先自己去食呢?

      你一邊剧扒, 血淋淋咁大舊大舊肉叉入口, 一邊就話可以同動物靈魂溝通, 先唔好講靈唔靈先, 我真係覺得佢好唔respect傳心術囉.

      不過, 又講返轉頭, 佢可以o係呢一行咁多年, 一定係有佢自己既一套, 或者, 真係有d好成功既個案, 不過咪媽孤陋寡聞, 一單都聽唔到囉.

      你地又有咩意見呀? 交流下呀~~

       

      引用(0)
      網誌標籤：傳心術, 傳心師
      共15個回應
      • 檢舉

        Bu 媽 2009-11-11 13:22

        而家愈黎愈多人去讀, 之前我都有去上初級,不過我之後都無再讀lu, 太貴! 個時都只係抱住試下既心態, 諗住可以同自己o的貓溝通下, 不過而家都養左成3 年...咩都了解晒lu..都唔駛話一定要o係心入面同佢傾計, 我相信貓地都會明白我地主人既思想!!

        我都搵過呢個傳心師幫手,不過係好耐既事lu, 答既都係大路o野! 但我聽同事講番, 佢曾經唔見左隻貓, 都係佢幫手搵番! 有時既人都未必100% 正確, 唔一定次次做AC 都成功, 都係睇好多因素既! 不過我諗呢篇報導出街之後, 佢都有排煩~

        檢舉

        小咪公主 (威仔媽)2009-11-11 13:48

        你講得好啱呀.

        我覺得搵AC, 就好似搵醫獸咁, 醫術醫德固然重要, 但係有時真係要睇下夾唔夾.

      • 檢舉

        Happy 2009-11-10 22:23

        傳心術我都覺得好神奇..幾個月前抱黑喵回家後我們也找過傳心師幫忙..的確有效..
        檢舉

        小咪公主 (威仔媽)2009-11-11 13:46

        e家Happy媽唔洗要傳心師囉, 同黑白貓咁friend, 應該係眉來眼去之間就知道佢地想點

      • 檢舉

        幸福六 2009-11-09 15:24

        我都讀了,我覺得自己了解到就算,因為我唔會出去搵錢.我同老公一起讀好貴.學識但從來無同自己d小朋友傳心術,因為本身自己太了解.最主要太貴中級班.好有錢先再續.
        檢舉

        小咪公主 (威仔媽)2009-11-09 16:56

        真係要有餘錢先好讀, 咁貴.... 可以買好多包貓糧呢~
      • 私人回應 檢舉

        這是私人回應
        檢舉

        這是私人回覆
      • 檢舉

        豆丁貓貓-看世界 2009-11-07 13:47

        豆丁媽係食肉！ 對傳心未有好sure嘅答案，身為一個基督徒，好多基督徒朋友都相信只有人類有靈，但我就一路都仲discuss好多唔同聖經info去查多D，知多D！

        我信神創造有原因，獅子老虎都會係其他動物，呢個係自然！ 但係我好反對torture動物嚟得到食物！ 好似早前明白鵝肝真正點得嚟就立刻quit！ 可能有日我真係咩都唔食，只求神俾我多D智慧去明白真理！
        檢舉

        小咪公主 (威仔媽)2009-11-07 21:59

        咁又唔可以咩都唔食, 身體緊要呀
      • 私人回應 檢舉

        這是私人回應
        檢舉

        這是私人回覆
      • 檢舉

        Pui Pui 2009-11-07 10:20

        我都試過跟rosina上左兩堂初班, 但都唔打算上, 因為自覺自己冇咩天賦, 最重要係上兩日堂, 個頭就痛到爆炸, 仲成個人"支力"到不得了.

        但rosina既操守真係一流, 仲有佢同我地講食素既好處. 個人覺得身為傳心師, 點可以再大啖大啖食肉呢??

        檢舉

        小咪公主 (威仔媽)2009-11-07 19:53

        我o個陣時個頭都好痛架, 好似脫左水咁....
      • 檢舉

        貓星人 2009-11-07 02:33

        個個人....連戲都費事做, 係記者面前剧羊扒= ="

        2000蚊兩日 但係上兩堂就已經算係初班啦? 咁"傳心"咪好似講左HIU門比你之後就靠自修咁? 係咪中高班都係咁? 咁傳心術真係好睇個人係點....個傳心師係無心既, 求鬼其講個COMMON或者你想知既答案比你就算交左功課啦 上左初班之後有無覺得踏實左, 明多左傳心既原理呀? 好吸引...

        檢舉

        小咪公主 (威仔媽)2009-11-07 09:00

        我唔知有冇加到價, 不過我幾個月前去上rosina就係2700兩日堂.

        都好似係你咁講架,教左d原理同HIU門比你知之後, 就有d 實習既時間, 同d同學仔交換d寵物既相黎試下傳心術, 第2日就教你點樣去同已離世既寵物溝通.

        我冇上再中高班囉, rosina叫我生左bb先好再上, 不過, 我都唔諗住上, 因為覺得自己冇咩天賦....

        總括黎講, 如果有餘錢, 去上一上, 學下d基本原理, 都係好既, 至於再唔再深入咁研究落去, 就好睇個人感受囉.

         

      • 檢舉

        貓咪之家 2009-11-06 16:58

        我就係想跟佢學喇，即使做唔到都想了解一吓

        檢舉

        小咪公主 (威仔媽)2009-11-06 17:11

        支持你呀!!!!
      • 檢舉

        貓咪之家 2009-11-06 16:33

        你已經學左喇, 係唔係跟鬼婆呀

        檢舉

        小咪公主 (威仔媽)2009-11-06 16:46

        學左初班咋, 跟rosina~~

        我覺得佢幾好, 唔計通唔通到靈呢一樣野, 因為我學唔識, 感應唔到, 反而, 佢講傳心師應有既知識同操守時, 我覺得好啱聽囉.

        佢舉左個例:

        有個主人想同佢隻貓/狗講, e家要同你去做手術, 唔洗驚, 做完會好返架.

        咁一個唔好既傳心師, 就會照將呢一番說話, 搬字過紙咁同貓/狗講, 講完就話已經傳左言, 錢就照收....

        但係, 一個好既傳心師, 應該了解到, 貓/狗未必可以了解到咩叫手術呢一樣個對動物黎講咁陌生既野, 傳心師應該轉一轉句說話, 同貓/狗講, e家你有d唔舒服, (肚仔痛/腳仔痛,whatever), 會帶你去睇醫生, 醫生會幫你, 你去到時, 要乖乖瞓一陣, 醒左之後就會慢慢好返, 媽咪/爸咪會o係你瞓左時, 留o係你身邊陪你, 你要乖乖呀.

        我覺得呢d野係佢本notes冇提到, 亦都唔係個個所謂既傳心師, 有留意到既細節囉.

      • 檢舉

        貓咪之家 2009-11-06 16:16

        都好想去學，學左知後，應該會了解更深

        雖然冇睇周刊，據你的描述真係好嘔心，亦好唔尊重個記者

        檢舉

        小咪公主 (威仔媽)2009-11-06 16:28

        學初班都唔平呀, 成2000幾蚊.... 2日course....

        但係唔親身去學下, 又好似成日都有d疑惑咁~~

      • 檢舉

        女王的貓室 2009-11-06 16:10

        我相信有傳心術.. 不過唔係個個都得囉.. 我覺得個天唔會隨便俾呢d力量人
        檢舉

        小咪公主 (威仔媽)2009-11-06 16:25

        我都係咁諗呀, 所以上左初班之後, 都冇再繼續, 因為一來覺得自己冇咁既能力, 二來係個導師知道我有左之後就叫我唔好再報中級班, 係都等生左bb先, 佢話如果我一邊有b, 一邊去學, 對個bb會有影響喎....
      • 檢舉

        BOUBOU 呠呠仔 2009-11-06 15:58

        你好~

        由於香港地小人多, 好多時候一班4隻腳仔既朋友出街街都有好多限制...呢個公園唔入得O個個AREA唔可以去, 好難得先Free running 到, 同外國好大分別, 所以我就係呢一方面做緊個研究。想了解多一d大家香港人對養猫猫狗狗既睇法。

        麻煩你可唔可以抽小小時間幫我做份問卷... 係關於我既畢業論文架.. 題目係""關於香港飼養家庭寵物主人的消費行為"", 
        http://www.online-survey.net/survey-4780 

        阻你 5 分鐘- 10架 分鐘時間.. 唔該你呀!!! 你們的寶貴意見影響我完成份畢業論文與否GA>......THANKS A LOT~唔介意的話可唔可以幫手FORWARDS俾你身邊有養寵物既FD唔該囇你呀...thank you for your kind attention.
      • 檢舉

        采兒 2009-11-06 15:30

        No!!

        檢舉

        小咪公主 (威仔媽)2009-11-06 15:43

        噢,  我仲以為因為你係基督徒, 而基督教係冇輪迴轉世呢一樣野, 所以你唔信傳心術添~~

        我信有傳心術架, 不過就好似信有問米呢一樣野咁, 覺得通靈呢一種事, 係要靠天賦, 一百萬個人之中, 都未必有一個人有咁既能力, 如果本身冇天聰, 條通靈天線都唔work, 咁就點學點練都冇用.

         

         

      • 檢舉

        采兒 2009-11-06 15:18

        其實我一向唔相信有"傳心師"呢樣野~~~
        檢舉

        小咪公主 (威仔媽)2009-11-06 15:21

        你係基督徒?
      新增回應

      其他BLOG友發表的相關內容

      喜愛此BLOG的人同時都愛看

      • 沒有相關訂閱