節唔到流, 就開源啦~

咪媽唔係一個大洗既人, 平時好慳好慳, 咩名牌都唔捨得買, 去超市買野都會行兩三間格下價先, 不過, e家d野咁貴, 人工又唔加, 貓貓又愈黎愈大食, 狗狗又愈來愈鐘意食零食, 小拔三世又就黎出世, 真係都幾頭痕.

尋日同我個e生女傾開計, 佢係星加坡人, 佢話想同個朋友仔o係o個邊開間online shop, 賣下衫賣下飾物, 咁我就上網周圍睇下有咩小量批發既日韓款衫褲頸鏈啦, 殊不知睇下睇下, 又佻起左自己條根....

咪媽之前都去過錦繡花園個跳蚤市場擺檔, 又去過屯門黃金海岸, 仲做過網上拍賣, 又試過賣d自製飾物去外地, 雖然唔係叫做賺得好多, 最多o個個月都係得3000幾蚊,不過, 想返起, 自己就好enjoy個過程囉, 但係後來冇咩時間, 人又開始懶, 所以, 就不了了之, 冇再做囉.

尋日上網巡完之後, 覺得e家再o係香港做online shop, 賣d咩OL衫呀, 頸鏈首飾呀, 真係好難做, 有太多同樣既online舖仔, 競爭太大....

不過, 我又要另一個想法, 就係....

自從咪媽大左肚之後, 就知道原來因為體質關係, 唔係個個準媽咪都可以好似做囡既時候, 周圍行下街買下野, 而且, 專門賣大肚婆衫既舖頭, 一來貴, 二來d款或者比較成熟.

就以咪媽為例, 我就反而鐘意去d小舖, 搵d好鬆身既衫, 當大肚婆衫咁著, 一來平d, 二來又causal又可以好易襯到衫. 於是, 我就心思思, 又想向呢一方面發展下~~

我而家準備用最少既資源, 攪一間大肚婆online舖仔, 希望可以入到d又平又靚又易襯又舒服既鬆身衫, 等懷孕6個月之內, 又或者係產後未收身既姐妹們, 多一個買衫既地方.

哈哈哈~~ 又睇下咪媽今次, 係唔係三分鐘熱度先, 你地咁多位網友, 要鞭撻下我, 等我唔好玩玩下又偷懶呀~~

唔該哂