網誌分類：孕媽媽愛美麗 |
咪媽先後從兩間唔同既批發商, 訂左兩批完全唔同既貨, 第一批, 就真係慘不忍睹, 件件都唔得, 就算叫我自己著, 我都未必會著, 哈哈
~ 所以, 都一定唔會賣俾人. 而至於第二批, 比第一批好好多, 但係, 都有唔少既問題, 例如線口位唔多靚, 又或者來貨同之前張圖既比例差左少少之類.
由於呢d係成衣, 咪媽又唔係大廠家又唔攞得多貨, 真係冇可能控制到d質素, 咁.... 點算呢?!
我係一個對自己好求其, 但係交貨俾人就好"or哥"既人, 我唔慣將只值80分既野俾人, 幾年前當我賣自製飾物既時候, 就曾經好誇下海口咁對d客講過, 經我手做出去既鏈, 全部都係終身保用, 除非真係俾人刻意剪過搥過燒過, 如果唔係, 過幾多年都好, 都係免費維修.
當時幫我買鏈既客, 好多都係海外客, 同我家姐到e家都仲有聯絡, 咁多年, 都冇人投訴過我d貨, 亦都冇要求維修, 甚至我家姐都同我講, d客仲想訂, 問我e家做唔做....
哈哈, 聽到都好開心架.
所以, 我就諗, 既然我對自己d鏈咁有信心, 我係唔係應該唔再問人攞衫再轉手賣出去, 而再重操故業, 賣下手鏈頸鏈呢?
好矛盾....
等我想下先, 又或者, 再拎返d工具出黎, 憑自己既感覺, 再試下整一兩條, 感受下我應唔應該再做返飾物.
俾d時間我~~
明明+k 2009-09-23 17:31
搞到我好想睇下咪媽嘅自製飾物添
豆丁貓貓-看世界 2009-09-19 11:46
小咪公主 (威仔媽)2009-09-20 18:50
呵呵~~ 一定一定