網誌分類：每日點滴 |
啱啱寫咗一大堆廢話，正諗住發表果時手指抽一抽筋、
加上神經性遲鈍咗一下、按咗“取消”，就咩都無晒了……
我長話短說了。
翻咗學一個禮拜了。課就係少咗D、但係HW絕對唔俾以前少。
可能係我太耐無用個腦嚟諗嘢了，宜傢連轉下都特別慢。
就好似上Cal咁喇，明明係識做嘎，但係速度就慢得驚人、半日都反應唔過嚟。
天，我個腦“Ou”咗成個summer，可能宜傢真係生咗銹喇。
睇嚟真係要落翻D潤滑油先得喇。仲要轉多D。
唯一最慶幸嘅當然就係，唔使再過住D每日都寫task1234嘅日子喇。
全世界都知道嘅嘢我就唔多講喇。
反正大家都親眼目睹某蠢喺大庭廣衆之下對我拖拖攬攬錫錫嘎喇。
今日係我18歲嘅最後一日喇。
雖然話如果係中國時間嘅話，宜傢已經係我嘅生日。
好多人都提前同我講咗“生日快樂”。當然，我都好開心聽到佢哋咁講。
尤其係YZJ。
上一年生日，佢都係專登等到零時同我say生日快樂嘎。
今年雖然係遲咗5秒，不過都係好開心可以聽到佢同我講祝我生日快樂。
儘管佢話我老咗果時係有少少無奈嘅嬲。
角色發生咗變化，但依然能够喺特別嘅日子聽到特別嘅問候。
我諗，大概心裏面果份感覺，依然係值得彼此去珍惜嘎。
曾經。每次生日前有一段日子，我都會以爲自己果年嘅生日會好難過。
但原來始終會有人記得呢個特別嘅日子。
無論係YZJ、阿宜、Didy、阿Sam、龍龍、溢仔……
每次當我固執咁認爲自己會難過嘅時候，你哋都總會喺我身邊。
當你哋都離開咗廣州，當我知道廣州亦已經變得物是人非。
就算怎麽伸盡手臂，我們亦有一些距離。
但。
我依然能够在記憶中找到你。
曾經有你哋陪伴嘅花季雨季，一切都係幾咁美好。
19歲。我真係已經成年喇……
