網誌分類：每日點滴 |
興致勃勃咁喺Yahoo!呢度申請咗個blog。
唔知點解今日會咁好雅興、可能係因爲睇中咗呢度D糢版呱。
希望呢個blog唔好好似以前果D咁，三分鍾熱度喇。
果日Didy同我講好多人都去咗從化讀書，包括阿May。
跟住我好驚訝咁問佢：你哋拉大隊去從化踩場啊？！
然後我問阿宜係咪都去從化，不過阿宜話係去花都喔……
（學YZJ話齋、我老喇，記憶力衰退…… 有怪莫怪啊。-______-）
睇住阿Wing宜傢咁嘅樣，真係有講唔出嘅感覺。
大概佢係我阿妹、又或者係我都有過咁嘅經歷，
我真係好明白佢宜傢嘅感受。
Ryan翻咗去都成個禮拜了，但係阿Wing同佢傾計嘅時間加埋都無45分鐘。
琦琦同埋流星，宜傢加埋Ryan，呢D都係好好嘅實例。
咁又係嘅，比著係我，如果我翻到去廣州，
都唔一定會有咁多時間成日揾喺NY呢邊D friends喇。
有時就算想揾都係有心無力喇……
咁就係點解我一直都唔想佢翻去嘅原因。
不過，阿宜都講得啱嘅，就算我唔想佢翻去，佢都係會翻去嘎喇。
“你估宜傢係拍電視劇咩，去到機場先翻轉頭。”
都唔明點解佢果日講嘢咁鬼經典嘎。-________-
你 太重要使我淚亦落得多 見要見得多
就係因爲幸福甜蜜，所以先唔想再淪落到以前果種傷痛嘅日子裏面。
我睇住宜傢嘅阿Wing就好似見翻以前嘅自己咁。
亦都好似見到將來嘅自己喺一片渾渾噩噩嘅mood裏面過日子。
不過…… 如果我唔俾佢翻去，咁係咪會俾人一種任性刁蠻嘅感覺呢？
成全大場面好過在沉默懷念
有D嘢要嚟嘅話就始終都會嚟。就正如要走嘅始終都會走。
人始終都無可能一世喺溫室裏面過活嘅。
或者我真係應該靠自己了。就正如阿宜講嘅咁。
一諗起阿宜今年嘅生日係軍營裏面就不禁想狠狠感嘆一聲：
天啊，那是多麽美好的事啊……
希望阿宜真係可以喺佢生日果日去軍訓喇，哇哈哈～
