朋友...你回來了

12月23號都可算是值得高興的一日,因為呀霆喺倫敦返咗黎香港過聖誕節,當我見到佢呢個熟悉的電話號碼既時候,我成個人都呆了,同埋十萬個為什麼,點解會突然間見到呢個電話出現,真係無諗個佢會突然間返咗黎,亦都無諗過佢會突然打俾我,真係好開心,因為我真係好掛住佢!!


到咗尋晚12月24日,亦係平安夜,你終於都可以站在我面前,而我真的禁不住要和你來個擁抱,跟住第一時間梗係坐低飲杯嘢,大家傾吓近況啦,於是我地去咗仙跡岩慢慢傾,到12點幾呀希,小宏,呀輝過咗黎join我地,就喺呢個咁人齊既時候就梗係去篤波啦,"皇雀會"好掛住你呀,呢個地方亦都係我地成班經常會到的,自從年頭2月去完韓國旅行之後,已經好似無再踏足過呢個地方喇,都有既,2次咁大把一直到依家囉!!尋晚再同一班人,同一個地方,此時此地令我心裡面有些暗勇的感覺,高峰期試過去足成個月,一個星期最少兩晚,一係篤波,一係打牌打通宵,再唔係就打孖一齊黎,真係好過癮,我都唔知點解嗰時自己咁得閒,可惜依家唔可以再有呢支歌仔唱喇!!


雖然我收工之後真係好累,但係我忍不住最終都走咗出去,今朝返到屋企既時候已經係凌晨四點幾,瞓得黎都天光lu,好日都唔返早,簡直撞到應一應呀,返十點半呀,點解要係今日喎,好在有落埸可以瞓到個幾鐘,如果唔係我真係頂唔順,一定會暈低,我自己知自己事既!!!