享受人生

尋晚好人齊,我同呀希,雪,小宏,子駿,輝一齊去街街,可謂行程緊密,節目豐富,首先唱個k lunch唱足6個鐘,喉都沙埋好辛苦,唱完k下一站就去影相,影出黎真係幾靚架,不過我無影到,係得幾個"美男孩"影啫,佢地係咪真係"美男子"哈哈就見人見智喇~~

接下來就當然係食飯啦,就因為呢幾日天氣突然驟降,正因為微涼既關係於是大家就決定去打邊爐啦!!好耐好耐都未試過成班friend一齊食飯囉,對上一次已經係上年既事lu,真係耐到唔記得喇,一路食就一路笑,笑到我好辛苦成日都係度講d'成人內容"所以既動作甚至乎情節都形容得"繪聲繪影",完全係唔可以出街簡直係"兒童不宜",幸好係無小朋友係度咋,唔係就真係正宗教壞細路呀!!

食完飯咪以為我地返屋企瞓覺呀,好戲就在後頭,無錯喇,第三part我地就黎到睇戲既環節,呢套亦係我地萬眾期待既其中一套戲"魔疫",睇完之後我覺得唔係我想像中咁好睇,題材有d似666魔鬼復活!!睇完戲之後因為呀雪第日要返早,所以佢就早走先,終於都到咗尾聲喇,都係好耐無做既嘢.....篤波,呀霆返咗英國之後我地都無再上去篤波喇!!到咗呢個時候我已經進入昏迷狀態喇,係時候返屋企差電,我就幾大都走先,佢地仲係度慢慢玩!!

到咗今晚真係好興奮,同埋瞓唔著呀,因為我地明天就會出發去泰國,今次個陣容名單包括有呀雪,我,呀希,小宏同埋小輝,希望由聽日開始事事順利,個個都平安大吉,始終泰國呢個地方對我黎講唔多唔少都存在了一些隱憂,我係對佢呢個地方有d擔心,不過唔理得咁多啦,總之玩得安全,玩得開心就已經足夠啦!!yeah!!