威尼斯之旅

終於都等到7.18哩一日喇...

抱住興奮嘅心情嚟到威尼斯...

D套房眞係大得緊要..

特別锺意佢假復式嘅設計..

不過最吸引我嘅.莫過於張大床..

但就係E張床..差D搞到我瞓過窿..

白白錯失今次嚟嘅主要目的..

就係睇..我摯愛eason嘅演唱會喇...

原本諗住沖個凉就出去行下..

但到我沖完..見到林生已經瞓到隻豬咁..

唯有我都瞓埋一份喇.. 結果...

個show.8:00pm開始..而我哋成7:30pm先起身..

不過好彩..仲有人遲過我哋..

拖拖下...成8:30pm先開show...

都唔明點解今次喺澳門開..D飛賣到咁貴嘅..

但..又鬼叫我哋咁冧eason咩..

雖然已經睇過...但都係要睇多次...

入場嗰陣..竟然撞到林生兩個fd喎..

更加橋嘅係佢哋就坐我哋後兩排..

成場show都好正..氣氛當然不在話下喇..

依然聽到我最愛嘅嗰首歌...

喺度要特別鳴謝傑少..幫我&林生記錄低嗰一刻..

第二日..去咗大運河嗰邊行街...

有我最愛的牌子..當然要嗊下入去喇..

發覺喺度揀衫睇袋好舒服..因爲極之少人..

唔會好似hk咁多人..可以慢慢揀..

但可惜發現唔到心頭好..

行行下..見到此人了...

眞係好佩服佢D毅力囖..企喺度郁都唔郁..

為表敬意..林生放咗D錢喺地下..

就係E個時候..佢同我哋眨咗下眼喎..

但我都未嚟得切舉起相機..佢又已經眯番埋隻眼了..

原本諗住二人世界坐貢多拉船游河嘅..

但落船冇耐..又撞到林生嗰兩個fd..

結果唔使多講了..4人同遊..

話咁快就結束E兩日嘅短tirp嚕..

時間雖然短..但既開心又難忘..

喺回味嘅同時..期待下一次嘅莅臨..