她約我去廸士尼

某日返返下工，家肥電我問明日返乜，剛巧DO，佢就邀請我和根同遊廸士尼。吓....好開心....好興奮呀！本來計劃七月尾放一星期大假時，兩母女去玩，如今有兩位資深領隊(妙芬+家肥)帶住，梗係求之不得la。心情有如讀書時期參加秋季大旅行，又似第一次搭飛機去旅行，不停盤算着要帶D乜呢...幾點出門口呢....幫唔幫阿根着條底褲片呢....(諗埋D嘢好無聊!)

連同事都笑我：成ward人都知你好開心la！

原來做咗人阿媽心態都唔同，以前去過兩次日本廸士尼，記得第一次我是坐在購物街嘅長椅上睡了兩個幾鍾，完全無興趣排隊去玩或買手信。到香港興建了廸士尼，我同爸爸羊都異口同聲表示唔會去，當有段日子電視宣傳"小小世界"，我地都覺得有乜好睇呀，就算係，都當係涼下冷氣罷了。

但原來同小朋友去，係開心好多，連從來無諗過玩嘅機動遊戲，都好想玩完再玩。

"灰姑娘旋轉木馬"比起"海洋公園兒童王國"那部較大

小飛象

從未玩過咖啡杯，原來轉完都晤會頭暈暈

從小朋友嘅角度去坐"小小世界船"，去欣賞、感受，覺得D公仔好靚、好可愛，好想遊多一圈，晤願上船

食lunch時，根攞咗家肥姨頂帽嚟玩

瑤瑤遮住自己塊面，我扮唔認得佢"咦？！你係邊個呀？"

瑤瑤掀起頂帽，我扮恍然大悟"啊！係你呀，瑤瑤！"

如是者重覆佢嘅動作和我嘅表情對白數次，小朋友都對呢種"遊戲"樂此不疲。

其後阿根加入"認得瑤瑤"，好興！

到三點幾，兩位較細小朋友先後瞓着，當日實在太曬、太熱了，相約下次再去睇煙火，好期待啊！