大假結束了

今日係放大假嘅last day,今年嘅大假放哂lu,又要等出年先happy過嘞！hea咗咁多day,一件家務都冇做過,淨係掛住行街、食、狂睇cable、打機同玩....所以頭先六點幾良心發現....衝去街市買餸煮飯..都係買多d,係醒d嗰隻啦....可能太晏先去,平嗰d鋪"山"哂.......d生果貴囉,雞蛋$18、菜心$10、節瓜$5、魚片$20、芽菜$5、大豆卜$10、鯪魚肉$12、生菜$10、木瓜$12、火龍果$12、花奶$9.8、雞扒+豬扒$47、涼粉$6、魷魚仔$5,有排食lu,盛惠$181.8,除7日,每餐$25.9,好超值.

鯪魚肉釀大豆卜,好味又有益 ～

我煮嘢冇賣相,靠實力同要快嘛,唔洗5分鐘,煮好！芽菜魚片炒魷魚仔,加dd豪油,好好味！

就係咁...簡單快捷嘅摩打餸就完成嘞,d蛋炒飯度生話 : 妳個易潔鑊咁細,點會炒得好吖..........聽日等我炒比妳試吓啦..............我話:唔好呀！雖然你煮得的確快、靚、正....色香味俱全.....但會將我個廚房反轉再反轉...........洗屎我啦......