健仔既小小進步

健仔返左playgroup都有一個月啦,媽媽我點解想健仔去返pg哩?因為我懶?.......嘻嘻!少少啦,但唔係主要既原因,健仔"蝦"我,我教佢好耐野,佢先睬下我,但別人教佢,佢就好快去學.好似之前教佢"拍手"成個月,佢都唔理我,我叫公公教佢,一下佢已經跟住做.又好似我播音樂dvd俾佢睇,又教佢做手勢,但佢只係睇,唔會跟住做,但佢去pg兩三堂,就已經識"轉身","舉手","bend down",etc.所以,我無辦法.......個衰豬係都要我晒下$$......不過佢返得開心,又學到野既......都算啦!

講下健仔呢排學到d咩啦:

講野方面,佢講"包包","車車","謝謝"清楚左,"鴨鴨"就剛學識.自創"ya ya"(即要要),"wah wah"(即鍚鍚).英文識講"A,E,I,V".

動作方面,佢識自己轉身,舉手手,bend down,見到別人jump,佢都好想跟,但只係識墊起腳尖,仲未jump到.

雖然學得好慢,但見到佢有進步,仲算係一個好開始.

另外,健仔上星期一氣過出左3隻大牙,依家仲出緊,希望佢唔好太辛苦啦.之前吽牙仔好辛苦,辛苦到連牆都"lam"......唉!

健仔........努力啊~!媽咪會為你加油架啦~!