30-10-09方方樂趣playgroup第4堂

上星期四,健仔病病,我同佢請左假,所以今日去補返堂.今日我地返9:00-10:30呢一堂,因為媽咪我想睇下如果俾健仔返早d學,佢上堂會唔會專心d.

今日都有5位同學仔和健仔一齊上堂,兩個女仔,3個男仔.做運動啦,健仔做做下見到後面既煮飯仔玩具,就走過去,我stop左佢,佢都無扭計,返埋位做運動.

運動結束後,就係中文堂時間啦.老師今日教既係"黃色既樹葉".秋天到啦,街上就會見到好多黃色既樹葉.老師仲俾玩具掃把和鏟俾小朋友掃走地上既假樹葉添! - 健仔第1次接觸掃把和鏟,佢覺得好新奇,不過未係好識用,靠我幫佢先可以掃到樹葉.

仲有一件趣事 : 係傳太陽伯伯公仔遊戲時,同學仔Nicole唔傳俾側邊既Vincent,而直接行過來傳俾健仔,令健仔好開心啊~!

健仔今日又食晒d餅餅啊,仲好鐘意食手指餅.....睇來我都要去入下貨先啦!

英文老師今日教大家認識live on land and have 4 legs animals,e.g. elephant, dog, cat, tiger, lion, giraffe, sheep.

健仔今日係唱歌仔時間,唔使我同佢出去,佢都肯企出去和小朋友一齊行和跳,雖然維持左一段短時間,但都有少少進步啦~!

落堂我地行去搭車時,又撞到同屋苑既Sharon姐姐呀!

今早5:30健仔醒左,我俾左100ml奶佢飲再瞓,到左8:20佢都唔肯起身,於是叫醒佢飲奶奶,佢只係飲左100ml就唔飲啦,但已經夠鐘出門口,所以無得飲.上完堂後,佢開始肚餓,lunch食左一碗粥,算係呢兩個星期以來最多架啦,跟住又飲左200ml奶,1:30p.m.臨瞓前又飲埋100ml奶.午睡瞓左3.5鐘有多,但仲想瞓,我唔俾佢瞓啦,佢再瞓我今晚就唔使瞓啦.今晚健仔終於食得返之前粥仔既份量啦,媽咪我好開心啊!

瞓醒後健仔係度玩車車

仲叫埋我同佢一齊玩

但我一開電視睇新聞,佢既目光就離唔開電視啦.

連車車都無心情玩

最後行去電視機前玩

媽咪我梗緊唔俾啦,要佢離開!