叻叻呀!!

今日望住睿睿發現佢又有d唔同左,覺得佢d頭髮多左,濃密左...

中午佢自己攞玩具玩,開頭我都無理佢,之後發現原來佢响度玩緊疊疊杯,大至細疊上去架,我即刻攞相機影低佢啦!!雖然睿睿唔係次次都疊到,但已經好有進步喇,因為之前佢只會撥走d杯,當我疊高杯杯時,又只會推跌佢,真係抵讚呀!!

睿睿佢都幾乖架,你叫佢俾俾,佢就會俾你架喇!!

見睿睿咁叻叻,即刻攞個好耐都無玩既彩虹圈圈俾佢玩,我示範左一次,睿睿就好努力嘗試喇,好快佢真係放到圈圈呀,之前佢淨係識得食個圈圈咋,而家真正識得玩呢份玩具喇!佢自己都好興奮呀!!抵錫!!

仲有幾日就一歲既睿睿真係大個仔左呀,我亦明白到原來小朋友既學習真係急唔來,迫唔到,到佢一定既歲數佢自然會識,會明白你講咩野,期望睿睿繼續開心快樂咁成長啦!!