泰好玩...第5天

今天是最後一天在泰國了，真係好唔捨得呀！今天我們酒店check out 就去了paragon 商場大型水族館。我們未入場就先在館前影o左好多張大合照，真係好開心呀！

原來我們想乘船看看船底的魚仔，不過每人150銖唔化算又會離隊就沒有去喇！第一次摸真海星！仲以前好軟，原來好硬o架！仲有水"擦"好似老鼠呀！雖然去唔到海洋公園個水母館，不過呢度都有小水母睇。我同ray ray咩都玩一餐影一餐，好開心！

之後，我們跟大隊走失了，但知道要1.30pm在車上集合。於是我們又可2人世界了，我們去了一間S字頭的雪糕店吃雪糕！呵呵，我們的至愛呀！RAYRAY叫了一個名"地震"的SET，我就吃雪糕火鍋！我們每人都有9個雪糕球！哇！都只係每人HK$50幾咋！不過，我們當然吃不了，很易溶晒！很瘋狂不過都幾好食！而我們後面的一家5口，才叫一個火鍋吃！我們真放肆又浪費！原來haagen-dazs也在附近，拍晒烏蠅，梗係啦！HK$50/3個球(脆筒咋！)在香港的雪糕火鍋要HK$260幾，我一直想吃，宜家可以吃到o徙~

之後，就在商場閑逛，想用晒用剩之泰銖。我入了loft，好似香港的log on，買o左唔少得意手信，仲有一件貓貓tee，件衫條魚仔可以自己拆下的，我在阿貓地攤見過HK$90幾，宜家都係HK$60幾咋。

之後同RAYRAY行運動部，佢見到OSIM 腰帶比香港平就買o左！真豪氣！平時我們唔敢入osim怕d 椅唔衛生，不過，呢度冇人坐d按摩椅，我就可以坐喇！原來都幾爽。

我們沒時間吃lunch，唯有買去車食。burger king咁大個女第1次食，都ok！仲有泰國獨有冬陰公炸雞！yo! 好正！我們食唔晒，入返盒，留待上機再吃。上返車，就要去機場喇！

都唔明做咩明明5.30pm機，咁早去到機場做咩！上到機導遊填錯了我們的機位，搞到我倆好尷尬又戇居咁罰企，東方航空真係好差，少少冷氣都唔開，熱死人！飛機餐超級難食，淡到死！又唔知咩味，都係食返自己d包好過，我幾醒！落機後等行李，各人都好心急，我怕冇o左成箱零食手信呀！哈哈！之後，各團友解散，真係好唔捨得呀！

我搭返既巴士回家已經很晚，d行李仲好重！第二日仲要上班，真係悲！

後記﹕今次泰國之旅開心過我們上次台灣自遊行，因為上次，我們浪費了很多時間找地方，錯行了很多路。加上2人都心火盛，很多頂撞。今次跟團少好多煩惱。要數不好的﹕膳食好差！不論飛機和酒店也是！仲有好熱，不過去泰國是預o左的！好的是﹕我買o左好多衫(廿件)同得意日用品，因為d o野好平！荷包有難！海灘好靚！團友後生，個個玩得埋！仲有係rayray同我一齊影o左好多靚相！令我改觀﹕跟團都有好多好處、水上活動原來幾好玩、spa 原來好正、瞿道瞿都唔係咁多好o野賣。真係好期待下次再去泰國(布吉、曼谷)呀！