老人家

這星期我做了一個孝順仔, 就是陪阿媽去診所聽有關做白內障手術之講座, 1:30 開始, 已座滿了一大堆老人家, 我阿媽睇落都算好young , but she is about 68 years old.           

一開始護士已叫各位關手提, 隨之便講解白內障及青光眼之成因, 做手術之過程, 注意事項, 眼部護理......等, 有圖, 有資料, 很齊存.

在講的過程中更加插了一些小插曲, 例如: 有些老人家大聲講電話, 問一些無聊的問題. 我幾時做手術? 我做咩手術? 我邊隻眼有事? 有些更咳倒姑娘要停, 睇下佢咩事..... 琳琳種種,包羅萬有.

最後是要示範點樣洗眼, 要做一次比姑娘睇, 當然絕大部份都是聽唔明, 聽唔倒, 做錯晒, 又無家人陪伴講解, 錯漏百出, 做姑娘的可能要懂多方語言, 例如:客家, 潮州, 圍村話, 又要有耐性, 又要講野大聲, 不斷重複........, 真係唔易做!

我作為一個旁觀者, 我  同我阿媽都有笑那些公公婆婆, 但亦都覺得他們很可憐, 有一些沒有親人在身邊, 無依無靠, 有一些就只可以靠另一伴, 但另一伴其實也差不多; 幸好我阿媽還有我在旁.