係屏山既
惠群小學執笠了...
惠群吾係我母校(定係最後一年畢業先叫母校的?)，係R的母校，我同佢識左...18年了。識佢個陣我小學一年班，佢幼稚園...
當時大家都係住係朗邊村安置區，惠群係個度黎講算係名校架啦，成績幾好的，佢一直以黎都係高材生...我呢，就去左山雞既達德小學啊。
我咁多年多數係係元朗屯門返工返學，搭輕鐵見住一間間村校荒廢，其實聽講惠群冇收生不足，重搞得幾好的，只不過又係政府D野，想D人集中係天水圍讀書....所以搞得幾好都冇用。
殺校殺校，再咁官僚落去，再咁樣去做教育落去，D生既學校都生不如死啦，比一班無良商人以行商方法去辦教育喎....唉。
我個間達德小學呢....都好出名...出名有鬼...-_______-
你只要去google一下，全部都係d人去探險既事跡....
我當年都傳過好多次有鬼...但一次都冇見過(都吾想見啦)，只係呢，元朗究竟有邊間小學冇鬼架?
達德比人話以前係亂葬崗，所以好多鬼，但我去到元朗商會中學讀既時候，好似話又係亂葬崗黎架bor...咁多亂葬崗既咩?定係成個元朗都係....
又話洪水橋係當年d日本人殺得性起，殺到成條河都係染到紅晒，所以叫「洪」水橋架....所以好大可能成個元朗區都係好多死人-__-
搵番d資料話達德有一任校長曾在校內女廁穿紅衣自縊...咁誇?
我讀左3年聽都未聽過....咁猛冇理由未聽過掛?
達德比我印象淨係覺得好大，女廁永遠都好臭，個廁所一到夏天，我真係見過有寄生虫係廁格入面的-______________-
我覺得呢d先最恐怖...............
露天操場個地下就吾知點解係d混凝土入面混左好多貝殼的...呢個一直想知點解...
重有後山先係最多傳說既地方，有個類似墳又似洞既物體，重要個門口zip左條紅布....冇人知入面埋左d咩....
不過講到最猛，都應該係水邊圍同豐年路中間間鬼屋掛?我一次都冇去過，但猛極都比人變成大笪地賣野咯.....
