一峰二汶好天氣演唱會

10月6日 一峰二汶好天氣演唱會@紅館

我地坐D行,唔算前呀!!不過好彩係正中間,

同埋好彩我今朝決定出門口之後都返轉頭拎支遠攝鏡,

ZOOM到盡都影到下相既!

今日先俾個同事話完我,買支鏡,用黎影近DD,不如行前D影好過..

哈哈...我就覺得鏡到用時方恨少喇!

比利一坐低就話:如果有支小白就好喇!!!!

..........唔通想我送?????

今日星期二,我9點先放工,如果想早走就要拎半日假...

我公司30人,除左我之外,仲有2個同事同我一齊拎假黎睇呢個CONCERT!

過左一個好快樂的晚上...

睇相啦~

比利第一次睇一峰二汶...

對佢地都唔了解~

只係我將手提的接駁鈴聲轉左做<好天氣>,

迫佢打親俾我都聽到呢首歌....

事實上,我對呢首歌係有嚴重的情意結...

以前讀書,無咩錢,聽收音機就係最大的娛樂,最大的安慰...

好天氣2001.....

一峰在台上第一個多謝既就係阿占,無錯...我都係因為阿占先認識一峰二汶.

不過,認識左之後,都要岩聽先睇架MA...

二汶唱唱下歌,比利無啦啦0係我耳邊講左句:

二"蚊"唱歌真係好好聽.

呢一刻,我只係望住佢傻笑...

感覺超得意....哈.你依家先知好聽咩?

唔緊要啦,今次你有幸睇到佢地0係紅館開的第一個CONCERT!!

一定覺得我請你陪我睇係無錯啦~

最後一張相,係0係一峰個FACEBOOK COPY的!!

我同比利都有舉高雙手V架~

GOOD SHOW!