網誌分類：花嫁新娘造型 |
圖片
網誌日期：2009-11-18 01:18
新娘子好靚女, 又有氣質, 睇得出佢好錫媽媽。
新娘子大日子當天, 我都會盡量把她當作自己的親姊妹去看待。
今日結婚了, 下午在church 有很多人同聲納喊祝福佢地,
好 "虛陷",
(亞安文筆係唔好, 的確有錯字, 但係我就係我喇, 新娘子都明白我既意思就ok, 不花時間在文筆上, 多花時間在造型上, 多謝大家一路忍耐小妹的錯別字)
新娘子同一日入面要有很多的變化, 其實都要搞盡腦汁。
我務求換一件衫, 一個造型, 要係唔同既image。
佢開心, 我就開心了。
客人的妝扮我是十分著緊的, 也不會求其,
希望她能在大日子有最多的變化, 在照片中大家能夠有目共睹。
亞安一直認為自己只是一個小角色,
是千個化妝師入面的其中一位,
能夠遇上我的身娘子, 都是我們的緣份。
不知道從什麼時間開始, 被稱為「紅了起來」,
小妹真是榮幸了。^^"
同時, 亦有不同人士對小妹的comment.
稱讚的聽得比較多,
但不會永遠只有好的comment。
人在江湖也開始受到行家的紅眼。
世界很大, job 是接不完的,
人家接job是別人的事, 攻擊別人也不會得到全世界,
內心不夠寬敞的話, 最不快樂的最終還只是自己。
來引我注意的人總有不同的目的,
有些人是為了靚, 有些人是為了錢。
世界上什麼人也會有, 每個人也不會受到全世界的100%認同。
當然, 我盡量做到幾多就盡量去做,
過了底線就無能為力了,
遇到不被諒解時, 我的確是會感到不快樂的,
有時候我說話比較直接.
但我總不會傷害人, 而且我是心存好意的。
有時候的確太忙了, 連睡眠也不足, email 不能即日回覆時,
就出現了自己弱點, 大忙人應該會明白我在說什麼。
總想自己可以做好一點, 唯有招人幫手。
一直在收看我的新娘子, 支持我的化妝師朋友啊, 感謝您對我的諒解,而且一直在收看著我。
如果你想與我並肩, 歡迎你給我一個留言。
上天給我一對靈巧的手,
讓亞安我自己一個人做事也可以盡力辦妥。
也感謝新娘子給我的信任,
把大日子交在我手上。
今天的確長氣了一點^^ 明天繼續努力工作。
台灣高雄．電眼手學苑藝術總監 - 張乃文 2009-11-20 04:39
加油
亞安
妳是最棒ㄉ!!
加油!!
亞安2009-11-20 05:12
呀呀....感謝.....現在是 差不多零晨5點, 你跟我一樣還未睡。
看到你來留言, 我差點感動得要哭出來了。
Car Man 車人 2009-11-19 10:52
阿安...加油呀！！你要人幫手即管出聲...我是初入行的化妝師...真的好想有機會可以跟你學習...你要幫手的話...我一定會兩肋插刀的！加油呀！
亞安2009-11-19 23:35
ABu 小布 2009-11-19 07:46
亞安,比心機
~ 我做過幾次姊妹,對上一次o個個mua簡直...2個人黎幫姊妹化妝,其中一個企o係度, 咩都唔做, 化得慢唔講啦,最仲要係化得差同態度差! 結果我寧願自己化
做呢行心地唔可以咁, 人地大日子係開心事. 我一直有留意你o既blog, 睇得出你好專業
所以你唔好氣餒, 唔好唔開心~努力!
花哩look世界 2009-11-19 00:21
亞安, 放心啦, 雖然口係人地到~
但我們的眼睛都係雪亮~
我真係好鐘意你化的妝~加油啊~~
亞安2009-11-19 01:07
多謝你既支持, 其實我已經盡力去做, 但總估唔到, 連你地俾我既支持都會有人白眼。
世界上實在太多唔同既人, 好多野控制唔到。
當然, 我亦都要接受同反省自己。
依家唯有當睇戲咁睇。
無憂肥豬雞 2009-11-18 12:58
亞安, 我係carrie呀..
人在做天在看,你做既一切對得住自己就好了... 好同唔好既意見都要聽,不過有時有d野唔需要太在意.. 有d人比既所謂意見,唔一定係想你好.. 大個女識自己分架啦~~ 加油呀,亞安...
你唔係識講野既人..不過如果真係識你既人..唔會介意架.. 我比錢唔係要搵個識擦鞋既人... 係用黎搵一個有才能既人嘛... 你只係不過讚我但化得我唔靚... 你就知死喇... 哈哈...
唔好唔開心啦..仲有呀..我果日 (3月16日)應該會轉下午向tst 註冊呀.. 即係我要轉全日跟,你有期嗎?
亞安2009-11-18 19:53
好的, 我會記得, 而且會盡力做好啦, 其實我份人都好nice既, 只係比較喜歡直接, 唔鍾意估估下。
當然, 新人既緊張心情我其實好理解, 在我能力範圍內我會盡力滿足。
我唔會擦鞋, 但我亦唔會無端端亂講野。但係如果有人不講道理, 我會堅持應有既原則。
你轉全日無問題丫, 多謝你關心。
Kristal 2009-11-18 11:48
無語問蒼天 2009-11-18 10:18
❤*+Ceicilia C*頭飾製作室+❤° 2009-11-18 10:14
HEHE 我路過架咋 ~^^
個新娘子好靚 個頭又SET得靚 個妝又自然 ~ ^^ 加油!
Carrie 2009-11-18 09:38
亞安，終於見到你返黎喇！
其實我真係幾佩服你既毅力，每日咁忙咁小時間休息都可以keep住同我地報告你既「最新作品」，真係唔係個個化妝師可以做到。雖然我只係見過你一次(試妝個次)，有d人批評你話你講野好直接，我都覺得係，但我就係欣賞你呢種性格，因為你夠真，其實直接d中肯d唔好咩?人就係咁，只係鍾意聽d岩聽既野。我做過幾個fd的姊妹，我先發覺有d化妝師態度真係好差，仲要成日將錢掛係咀邊，但我覺得佢地整出黎既野又唔係真係有個種嘩一聲的感覺喎。
我有介紹你俾我有d結婚朋友，但你太full booking喇，幾個都無緣同你見面呢！
你繼續努力啊！我相信大家都好支持你架！^_^