給自己的蘿蔔糕

第一次整蘿蔔糕係失敗嘅 , 因為只係直接COPYD食譜咁整, 唔知有咩要改, 所以出嚟果結果係----> 水太多, 粉太少, 好似漿糊, 點知阿6299話想食, 如果整咗最好比攞佢哋食!? 我就攞失敗果底比佢哋試, 佢哋都話個味OK, 係希咗D..下次知道有咩要改良啦~~

因為一買就買了兩條蘿蔔, 第一次用咗一條, 過咗幾日又整另外一底, 我又未至於一整要整幾底送禮, 只係自己食, 都好開心!!

改良後的食譜:

材料：

蘿蔔1條(約1斤)，臘腸2條，冬菇5朶，蝦米1湯匙，芫茜及葱一棵，粘米粉1碗，鷹粟粉3湯匙，冷開水半碗，8吋鍚紙糕盤1個。

調味料：

A. 冰糖1小塊(約指頭大小)。

B. 鹽1茶匙，胡椒粉適量(如想辣d, 就加多d)。

做法：

1. 臘腸飛水洗淨放碟上，隔水蒸10-15分鐘至熟，待涼切碎，冬菇，蝦米分別用滾水浸透洗淨切碎，芫茜及蔥洗淨切碎，各材料備用。

2. 蘿蔔去皮洗淨2/3條刨成絲, 1/3條切幼條 (增加咬口), 全放放湯鍋內，加入冰糖及水一碗，用小火煮15分鐘。

在煮蘿蔔期間，另爐起鑊下油，依次下蝦米、臘腸、冬菇、芫茜及蔥碎略炒香盛起，連同調味料 B. 加入蘿蔔中拌勻。

3. 粘米粉及鷹粟粉放大碗中，加冷開水用木勺搓勻成光滑粉糰，隨即加入已煮好之蘿蔔料中(轉最小火)，用木勺不斷拌勻至粉糰與材料完全混和成稠成粉糊狀, 煮至重身杰杰的, 感覺快將不能再轉時, 轉放鍚紙盤內抹平，放蒸籠或隔水大火蒸四十分鐘熄火即成。

註：蘿蔔糕不耐存，不要一次過做太大盤，八吋糕盤就最合適，放進雪櫃一晚後, 更結實。

好好味啊~~有朋友試咗小小, 就叫我出年整比佢食!! GOOD~~

參考BLOG:

http://hk.myblog.yahoo.com/cook-che/article?mid=1343

謝謝