SOLVANG 3!

當然唔少得"丹麥"式建築物!

去完丹麥城, 接下落來就係大部份團友參加呢個團架目標~一個新開架賭場. 一上車導遊就話今日係星期六, 會好多人, 而且而家入會就即送$50賭本, 所以大家千期唔好做任何無謂嘢, 一到就要直倒黃龍去會員服務枱搶住俾人"踼入會". 話口未完車就快到步喇, 都仲未停定後面架乘客就已行晒上前面. 三二一開門! 五十人一湧而上, 奪命而奔,何奇壯觀! 羊群心態, 我同肥龍當然唔執輸, 一於"衝呀"飛奔趕上前面架師奶兵團. 一排就45分鐘, 終於輪到我, 但已經係尾2果兩個(原來班師奶係RENEW會員, 都有$50蚊送, 佢哋果條龍仲短好多添). 申請完基本上已經夠鐘歸隊, 但見到仲有2 個團員仲申請緊, 唔理三七廿一幾大都玩佢5 分鐘. 神奇哋竟然俾我同肥龍喺3分鐘同十次之內嬴咗$48蚊...哈哈, 成世人未試過咁LUCKY, 我哋加埋都無用到5蚊(25c 一舖), 兼唔用係自已錢添. 可惜時間真係到喇, 導遊過來"撈"人啦, 將一隻俊迷失架水魚捉返晒上車. ANYWAY, 呢一站都算係呢日最有收獲囉! 返到車上以為自己好威嬴咗$48蚊, 一問之下原來隔離左右嬴成舊水, 又輸咗!(原來同師奶抖係世上最愚蠢架事來架)

雖然我哋嬴得無人哋咁多, 但都好過無啦, 計返條數都算幾抵啦! 可惜係天宮唔造美, 無陽光, D相影得唔係咁靚. 再加埋個台灣"亞之媽"死命相隨, 大殺風景同埋時間過份緊迫之外, 整體都算OK啦! 而亦由於時間關係, 我並無拍攝任何CASINO架照片, 因為連搏殺時間都得果3分鐘, 仲鬼記得個相機咩!下次再影過啦!

計返今次架總支出我哋共用咗: $15X2(團費)+$15X2(超級巨蟹餐, 食唔晒仲打包返屋企做第二日架LUNCH)+$12X2(爛鬼艇仔遊人工港口)+$6X2(貼士俾司機同導遊)+$20(戰利品~一磅曲奇餅), 共116蚊!嘩超貴囉, 龍蝦灣抵好多囉, 話晒都出咗境呀嘛. 不過減返羸咗果$48蚊, 都無咁"赤"!