蒸肉餅秘訣

老公：「咦﹗今次蒸的肉餅唔鞋喎﹗」

我：「我之前蒸得好鞋咩？」

老公：「呵呵﹗都唔係o既﹗但今次蒸得好味唔鞋囉﹗」

我：「.....................」

老公：「係唔係肉餅落了肥豬肉，所以唔鞋呀？」

我：「o下﹗唔係喎﹗我寧願鞋都我唔落肥豬肉o架﹗」

老公：「咁點解今次咁好味？」

我：「真係好好味呢﹗你食真o的啦﹗你真係食唔出呀？」

老公：「食得出咩，蒸肉餅囉﹗」

我：「呵呵~ ~ 塊肉餅係雞肉o黎o架，梗係唔鞋啦﹗」

老公：「o下﹗吃落咁似豬肉o既~ ~ 」

我：「呵呵﹗味道真係似豬肉，但真係雞肉o黎o架﹗」

原來 ~ 蒸肉餅唔鞋的秘訣就是

用雞扒肉來做肉餅啦﹗

用雞肉來做肉餅最適合我這些不曉煮餸的師奶仔啦﹗蒸耐了都不怕鞋喔

上嬰幼兒課程中，課文講到 1 - 2 歲的嬰兒，可以吃刴碎了的肉餅，無論豬肉 or 雞肉也行，無知的我真的不知道雞肉都可以來做肉餅，哈哈﹗

知道後即晚回家試試啦﹗

加入了雪菜的雞肉餅，成功 ~ ~