沒有行程檳城Hea之旅@Day3(第一回)

晨早起床，清新開朗 ~ ~ 其實都不算晨早囉﹗如果不是為了吃早餐，相信會繼續睡下去自由行的好處就是無拘無促，你想點就點 ~ ~

由細佬們房間影出的環境，好靚呀﹗望一望~ 精神為之一震 

我好相信，今日的天氣會很好，個天應該好鍾意我呢﹗

小強先生都要出來曬一曬，一個Hea 樣

懶洋洋的人類，拖著懶洋洋的身軀去吃早餐囉﹗

好好味的蝦麵，我就是鍾意這碗的味道啦﹗餐廳人很多，有點擠迫，人多到要等位，不過食物卻很滿意

本來話吃完早餐，回房痾屎痾尿就去游水，但點知~ ~ 有人睡魔急Call 呀﹗

一個個睡魔急Call，到最後我都睡了好一陣，哈哈﹗

睡醒都已經 11點幾，搞到我 Join 唔到恩祈妹妹玩水水呀﹗

由於我地遲 Check in ，所以酒店給我們可以 2pm Check out，而恩祈媽咪佢地就 1pm Check out，那我們游完水，打理好自己就落Lobby 會合她們，出發搵野食先回酒店執行李 Check out 都未遲~ ~

我們去了酒店附近的 ~ 蔡生都推介的「康乃馨(食神)肉骨茶」開餐啦﹗

你坐低後店員不停問你要不要茶，睇你幾多人就建議你 order 大煲定小煲，要幾多個飯，完全認為你什麼都曉，曉得大煲小煲有幾多，又沒有同你講飯、茶幾錢喎﹗

不過最貴的都有同你講，小煲肉骨茶RM 20、大煲肉骨茶 RM40，其實計落唔平喔 ~

這個是大煲肉骨茶，上到枱望：「點解與吉隆坡食的有點分別o既？」「唔係應該好多配料，放到成枱都係野咩？」算~ ~ 檳城特色吧﹗

吃落~ 咦﹗無咩藥材味o既 不過吃落味道不錯耶 ~ ~ (我還是喜歡吃有藥材味那種)

蔡生介紹的，與眾不同 ~ ~ 我話的是價錢呀﹗(唔知其他舖係唔係咁貴呢)

食飽飽，我們先行回酒店執拾行李，然後就要 Check out 啦﹗ByeBye 啦酒店~ ~  

跟住我們兵分兩路，恩祈媽咪她們搭 Taxi 去下一間酒店，而我們唔識死的人類就選擇步行方法到達目的地 2:45pm 出發 ~ ~

由酒店沿著東面行，大細佬望著地圖，向前行，無端端行到旅遊書有介紹的手信店 ~ 「田園土產」，橫掂來到，到此一遊吧﹗入去試食試飲，大細佬買荳蔻油給媽媽，還買了點手信回港奉獻，略略逛逛又再繼續行程

繼續行，中途見到這個醫藥中心，外型規模也不錯呀﹗

我就舒舒服服啦﹗為表謝意，為你們拍照留念吧﹗

再行 ~ 又見到手信店，又買了淡汶餅，呵呵﹗

城香附近見到香港美食展看見的「義香」，又買 ~ ~ 麻油很香，味道還不錯吧﹗

努力向前行，周圍的建築物很靚呀﹗

嘩﹗藍天呀﹗

天公造美，我們行得很舒服，間唔中有陣陣涼風，爽呀﹗

接近酒店附近有一個舊舊地的地道商場，入超市買雜糧，入萬寧買平過香港很多的護膚品，然後又向著酒店進發啦﹗

經過重重手信舖的引誘，終於在 4:30pm 到達目的地啦﹗

相信沒有手信舖、沒有行李，應該不用那麼多時間呀﹗

就是因為步行關係，讓我們看得更多呢﹗

在沙巴住過的平價 Tune 酒店，今次檳城之旅又住啦﹗

價錢同樣便宜，只需港幣 $100 ，有找呀﹗

去到 Lobby(2/F) 見到恩祈媽咪她們啦﹗她們已經到了一個鐘呢﹗

檳城的 Tune 之白色為造型，感覺很舒服 ~ ~ 我們被安排住在 9 樓呢﹗

雖然房細細，空間不大，但一入房已經有很舒服的感覺呢﹗

洗手間同樣乾淨，話晒這間酒店只是今年 5 月開始營業，夠晒新淨

最緊要最緊要 ~ 今次有窗呀﹗開著窗、開著吊扇已經很舒服，不需加冷氣都覺得有點冷呀﹗

安頓行李，然後到酒店底層Book 定我們第二朝凌晨去機場的Van  仔，一架坐到7人的Van 盛惠 RM105，OK 啦﹗話晒凌晨出車喎﹗收貴少少都可以接受

搞掂晒，我們又出街玩啦﹗

2009 年 8 月 30 日(星期日)