天堂 vs 地獄

最近心情非常一般，唯有吃吃東西舒緩吓自己情緒。

                                                                天堂

早前老師整咗香蕉果仁蛋糕請我哋吃~ 吃的時候仲要係熱烘烘的，真的非常非常好味，各位同學仔都爭住吃呀~ 我嗰日"千幾蚊"的quota就咁俾咗3件蛋糕啦~~ 哈哈!!!

老師仲請我飲咗新出的青檸VLT，味道幾清新，不過梗係original VLT係最好味啦~

仲有呢排有幾款小食喺我的為食流行榜排梗頭幾位，如果大家見到都不妨試吓呀~

L1 : 係粟米湯味的寶寶，味道同真的粟米湯無分別~ 勁!!

L2 : calbee的三味芝士薯片，波浪面鋪上點點的芝士，味道層次豐富，當然排梗no.1啦~

R2 : 與童星屬同一牌子的煙肉味闊條麵，打開錫紙袋時煙肉香味已湧出，唔駛一陣已經俾我纖滅咗佢luu~

R1 : 情意結作崇，阿婆薯條常與我同在~ 不過唔可以多吃，有時都會覺得辣辣哋!! 比其他薯片熱氣呢~

至於下面呢兩包係今天放工後買的，calbee vs edo。其實edo紫菜味好間唔中才會吃既，味道無咩特別~ 原先諗住過兩日先吃呢包calbee，不過最終都敵不過好奇心咁就開咗嚟吃luu... 究竟何為"関東之味"呢?? 若然有好心人知道請告訴我。至於味道同edo完全唔同，呢款calbee紫菜的味道係淡淡中滲出來的，由於唔太咸，所以喺深夜不知不覺中招吃哂一整包，今日"千幾蚊"的quota又駛凸咗啦!!! (查實平時唔係一個人食哂o架~ 係同屋企人一齊分金同味嘛~)

另外之前亦吃過限定版的醬燒丸味calbee，都唔錯o架~ 可惜唔記得影佢相。

                                                           地獄

有時候食到好嘢梗係開心啦，但當遇著唔多好味的小食，吃唔哂又好嘥，食哂佢又覺得好難受。話說早幾日吃到一包好難食的日版薯片，係h字頭牌子 (其實唔記得咗全名)，個包裝係銀色 + 綠色 + wasabi味薯片樣，店員大力推介下咪試吓啦~ 點知就出事啦~ 1. 既然唔係厚切，點解新開的竟然會唔脆呢??  2. 我都知道薯片係充滿味精的東東，但都唔駛浮哂喺薯片面上掛?!  3. wasabi味好假。本身嗰日朝早探完小狗已經好攰連街都無力行，返到屋企吃完包薯片即刻頂唔順走咗去瞓覺，足足瞓咗4粒鐘!!! 果然"信sales一成都死"呢句話真係無錯既!!