2009 blythe news

大家可能喺我的網誌度睇過我家阿b的照片都一段日子，因為懶惰所以唔多~~ (唔係唔多，係好少至真呀!!!) 我知啦~ 我知啦~ so我決定等今個月做完presntation & exam後會帶阿b正式影外景o架啦~ i promise!!!  (woo~~ 講到咁大??!)

btw, 大家究竟知唔知blythe呢款娃娃究竟有幾震撼呢?? 今期不如等我介紹吓blythe喺2009年誕生咗幾多位阿b啦~~

基本上每個月都有小布出世，每款只會出一次，所以愈舊的b身價愈高，有啲仲會幾何級咁升添 (依家有啲b簡直係天價，只可以遠觀囉!!!) 情況就好似紅酒咁。

1)  以下呢款係今年1月出世 "princess milk bisquit de q-pot :-

嘩~~ 呢隻係咪好靚呢?? 同Q-pot crossover出咗呢隻限定版，現時身價 hk$3xxx咁啦 (如果有人送俾我就好啦~~ )

2)  下面呢隻都係1月出世，有咩分別?? 呢隻只係商店限定 "cappuccino chat"，身價梗係無q-pot咁貴啦~~ hk$1xxx only~~ (唔知點解我都買咗一隻，迷暈黨作崇?? )

3)  呢隻唔駛多介紹啦~~ 相信大家都見過佢呢~~ 呢隻咪就係我其中一隻b嘛 "friendly freckles" ~ 佢已經俾我用激光打走哂啲雀斑啦~~ yeah!!!

4)  2月出世的商店限定 "my litter candy"，最近已經升到hk$18xx... 個人認為唔係好值，因為覺得唔太靚，唔太鍾意佢啲highlight

5)  呢隻簡直係b中極品!!!! 無論髮色、造型、化妝、整體感覺，甚至連彩盒都正到不得了!!! 完全係深田恭子喺小雙俠入面的造型。 所以只可以喺日本展覽抽籤購買的會場限定 "doronjo x blythe"，連hk代理 & 官網都無訂!!! 超誇張!!!  咁所以佢係今年新b(2月出世)中身價最高的一隻 hk$4xxx ~ hk$5xxx 嘞。      (當然我都好鍾意佢，可惜太貴啦~~ 除非我公司有bonus出啦就會考慮吓...  喂喂喂!!! 老闆聽唔聽到呀~~~)

6)  又一隻crossover jane marple限定收藏 b "bloomy bloomsbury" hk$4xxx

7)  3月出世的一set 第4代基本娃 "prima dolly"，基本意思係只得簡單款式的衣服配襯，沒有吸引的配件在內咁解。 通常啲人都鍾意用 prima dolly改娃然後再賣番出去既，就算新手改得唔好或唔夠完美都無咁心痛呀嘛~~ 呢set小布好犀利，喺設計圖出的時候好多網友都讚不絶口，當然包括我在內啦~~ so我澎澎聲以一個超靚預訂價錢擁有咗啦!!  而喺正式出世嗰段時間都發生咗啲小插曲，事原呢set基本娃好受娃界歡迎，因為佢哋係咁多代當中3隻都可以一齊咁靚好少有，所以有部份商人咪頭幾日收埋啲b炒起咗個價先再放番出嚟，好多網友都嬲到爆炸呀!!!  依家要成 hk$3xxx左右~~

8)  另1隻又係超人氣的4月商店限定 "sunshine holiday" 就係因為佢的小麥肌，所以實在無辦法唔擁有。我成日都講如果想以靚價擁有靚b既，有得預訂咪一早預訂嘛~~ 到時攞咗唔鍾意既咪放番出去囉，咁咪唔駛成日捱貴b之餘又谷氣呢...

9)  再一次cwc限定 (因咩事呢年大部份都係限定b呀~~ 總之打正"xx限定"旗號既都唔平得去邊... 出得咁密點買呀!!!  就算捐血都要隔4個月啦!!!) 

呢隻係上年官方改娃比賽 "miss natural beauty" 冠軍，今年release出嚟做限定娃。當然同原創有啲分別啦，不過都接受到既。好過舊年嗰隻啦，肉酸到不得了!!!  不過呢隻未必儲luu...

6月娃已經出咗設計圖，等實物圖出咗再同大家分享。講住咁多先，哈哈!!!