瘋癲除夕夜~31dec08

從來無諗過會玩得咁癲!!! 首先要多謝jeff & sarah精心安排今次聚會，除咗借出地方俾我哋聚會吓&有勁多好味嘢食之外，仲有我哋啲變態遊戲呀，另外小芬芬及阿倫亦安排咗一個落大閘遊戲，至於kelly就帶咗wii啲配件來同大家一齊玩。

究竟個變態遊戲有幾變態呢?? 五條褲頭橡筋尾連著五條女仔內褲，然後選出的五個人要將佢笠住喺個頭，喺唔可以用手環璄下互扯，扯剩一個就算win啦~~ 哈哈... 我哋有啲人直頭玩到入廚房都有呀!! 唔算難，不過要令自己頂 "帽" 唔跌都要有啲技巧呢...

跟住我哋就玩畫大花面or吃wasabi餅餅，如果抽牌輸咗呢就要俾上家懲罰，睇吓賽果就知狀況有幾慘烈啦!! 就算連我呢個長勝將軍最後點都要額頭有一隻眼呀，yeah~ 二郎神是也~~

阿倫~~ 爽唔爽啫?? 你就好啦!! 全場最紅就係你!! 哈哈~~

之後我哋又玩吓辣辣壽司邊個食 & 落大閘，如是者玩到凌晨3點就走luu... 返到屋企已經4點幾，超攰!! 第二日仲要早起去朋友家吃薑醋，嘩~~ 真係攰到飛癲呀!!

好開心可以同一班朋友過一個咁精彩的除夕，2008年已過，究竟新一年又會如何呢? 不過無論係點日子仲是要過，希望各位朋友仔、屋企人&愛人都身體健康，每天都可以開開心心。而我自己呢就繼續喺2009年尋找我的快樂啦!!! yeah!!!

happy happy new year!!