感動的…(友誼‧慧妍篇)「滅時井」(2)

感動的…(友誼‧慧妍篇)「滅時井」(2)

1)愛狗狗0既你，第時返0黎請你食梳打汽水糖！擔心你-_-你會感受到我做好多事情背後既原因，感激

你！

 

2)上堂至多口水0既女仔，同時亦係好關心阿哥0 既阿妹，拜託你以後要多0的照顧佢。

 

3)提到2) 號人物，自不然就諗到3)號人物，祝你同另一半甜蜜蜜，仲記得佢0係老麥同你食野時果

個面都紅晒0既果個樣。

 

4)唔好唔開心，去邊度讀書都好，要相信自己有能力可以另闖一番天地。

 

5)除左宣佐，英文至神果個就係你，記得你講過想做電腦果行，你得0架！同埋……收下火，燥底唔靚女呀，期待你有日同我講你拍拖喇！

 

6)方力申迷，同你班呢班姊妹拍檔做0野、飲茶，時間好易過，亦好開心，希望你可以團結佢地，繼續姊妹情不變。

 

7)暑期班之後同你感情更好，多謝你好信任我。你愈來愈堅強喇！^^感情事，都係果句，要計算太多好無謂，最終，都係問番自己個心。

 

8)你成績唔係最好，但你一定係最好0既姊妹人板，記得有次7)喊到收唔到聲，你寧願冒住俾老師鬧0既危險，都一個人留低睇住7)，呢一幕我好記得。

 

9)中史科神人，你曾經問過我你係咪一個樂觀0既人，無錯，你係一個獨自面對到感情挫折而爬得番起身

0既人。其實你觀察力好強啊，你好多時留意到我情緒變化^-^，多謝你每次0既安慰。

 

10)真正姊妹花，有人話你地好巴渣，但我覺得你地好溫柔，好就得人，仲係真正做到品學兼優！

 

11)另一對真正姊妹化，活潑，機智，有急材，期待你地第日各自拖個靚仔俾我見0下^0^

 

12)奇蹟0既人物，雖然你有時覺得自己都有好多困擾，但，最重要，做番自己。希望今次大陸返來之後

會出現一個全新，而且開心0既你。

 

13)轉左校，希望有一0日係石排灣撞到你呢個有型有格0既冬菇頭，好BUY你個種直腸直肚又夠雷既

   個性，有機會一定要同你劈一次！

 

14)我同你唔只劈過一次，仲……哈哈！你叫我做家姐，唔慣，但我都想睇住你生活安定落0黎。每次，山

窮水盡既時候，我幫你，有時你會拒絕，我會話：你得番我呢個親人。果時，其實你會唔會感受到果

份無名有實0既親情？你話過，你會妒忌有好多屋企人錫0既人。其實，親情，你都有。(當然，多0

的靚女關心你你會仲高興^-^)

 

15)你係第一個令我覺得自己打羽毛球打得唔算太差0既人。你承認過你好悲觀，不過，你好單純，係會

無條件咁好痛錫另一半。希望你會遇到一個「對」小姐，懂得回應你既愛。

 

16)壓軸要寫0既一個人……唯一一個令我唔知點落筆0既一個人。由相識，到信任，去到誤會重重，太多

共同經歷，我會為你既努力而驕傲，我會為你面對既問題而苦惱，我會為你既誤解而悲憤。他日，如果

有人問我慧妍最錫邊個學生，我一定會答係你。只係，一0的價值觀0既分歧，令到我地師生出現左

好大隔膜。我份人好麻煩，亦好情緒化，亦好管閒事，我寧願你記得我係一個咁既老師，因為你已經有

太多煩惱，寧願你用你既直覺認為我係一個咩人就可以，想你鐘意既事，做你想做既事，唔需要思索點

解我背後所做既事0既原委。

 

     你俾我好多鼓勵，好多感動，永誌不忘！