【轉貼】遺言

你大約住邊區？去勞工署網站都好多pt工，其實pt文職都唔會太高要求，識打字都ok，試0下去問可能有驚喜！pt通常做補習興趣班，馬會，data entry，細鋪頭看鋪，電話調查員...好多快餐店好似mc記咁都會請剩係番星期六,日0既crew同公關小姐，有0的鋪仲會肯請每日四至六個鐘0既crew(不過要睇彩數)...其實工種計落都唔少，不過要努力睇0下勞工署，報紙，甚至鋪頭貼出0黎0的招聘。

當然，呢個世界老細係唔會就員工，有病都要自己呢埋0黎病。不過，若果你暫時無太大0既經濟壓力，亦唔需要迫得自己太緊要搵乜工物工，一切健康為上。又或者，假如你認定另一半係你未來husband,學好煮飯滾湯同家頭細務，準備做個好太太都唔錯。一個男人咁為得自己，學識為佢分憂減壓都係作為有另一半0既女人0既重要任務。(不過，你都要將你呢個諗法同你另一半講，俾佢知道/睇出你想做佢身邊好女人0既決心,你0既男人都應該會為此而高興)

你所講0既社交壓力，我有經歷過，但我都有我方法見招拆招…(工作緊，容後再打！)

你所講0既社交壓力，我有經歷過‧人開始出社會工作，當其他人都係向成功0既方向走果陣，要學要浸0既0野實在太多，結果愈少耐性對待其他人，對其他人愈來愈要求高。要求高本身無錯，但總唔能夠劃一標準去品評其他人。有人會話呢種叫「大個」、「成熟」，反而我就唔會忽略當中係有人0既某種品性倒退0既情況。

你身邊0既朋友，都係正常人，會講工作，會SHOW OFF，會8掛，會怕悶。

我係你，我唔會同佢地完全中斷connect，因為佢地會係我0既「反面動力」去搵工，搵真正0既知心朋友，但同時我贊成你減少connect，畢竟同佢地gathering你會感覺唔舒服。好好利用這段時間去搵，去做你覺得有意義0既0野。

做病人，都可以有自己style！

我承認自己比較幸運，身邊朋友都係真正交心，會就我，會勸我，會鼓勵我，但有時都會鬧我唔聽話。做一個長期病患者0既朋友要有耐性，佢地做到，但我有時會刻意0的少見佢地，一來減少娛樂支出，二來好怕朋友要就我唔食乜食物，不過通常我出得0黎0既，就唔會要佢地就，由佢地叫，我至多樣樣食少少。

搵話題方面，平日留時時事，娛樂，扮靚資訊多0的，由自己開始講工作以外0既話題，其實都唔難搵到0的共同話題。阿q一0的睇，起碼要俾人感覺自己同社會無脫到節。

生活，社交取個平衡，係病人要用一生0既時間去學習。

俾人養，俾深愛0既人養，有幾難堪？
我又有幾廢？返唔到工，唔代表我無照顧好我男朋友，做個義工都有服務社會0者！

係架，咁答法有0的「包拗頸」，但就係事實！

今日你可能搵唔到要積極做人0既理由，但希望透過文字交流，將來會摸索到另一個條可行0既人生方向。

好耐之前，我寫0既小說中有一句：「路直路彎，誰在拚搏？誰在逃避？」我都唔能夠分辨到你依家情況係勇敢擺脫過去定係逃避現實中0既挫折。不過，我呢個人更相信「率性而為」四個大字，能夠順心做事已經係人生中0既一大福氣。

我份人有少少內向，依家0既朋友清一色都係主動/行動派信奉者，我相信你總有一日會搵到呢類咁有趣0既朋友

想到0既，唔使怕，講出0黎，問個意見都好嘛^^

心情好番0的就好喇^-^，加油呀！You're not alone!

小時候曾經0係教會學校讀書，差0的都入教，但大個0左就覺得任何宗教0既性質都係心靈慰藉，反而學習每種宗教教條/精神0既好，集之大成，得益仲多。不過，假如返教會真係搵到你想要0既0野，貓子都會鼓勵雪琪你繼續搵適合0既教會。

講起返到教會果種怪感覺...唔...有時會覺得佢地熱情得0黎又有0的虛偽...怪怪地，可能我個性問題...哈

朋友，每個人生階段都有唔同，覺得佢地好0既，好好珍惜，唔好0既/有緣無份0既，就隨時間而去啦。同好多人都講過：「自己係自己最好0既朋友」得閒聽0下自己心事，替自己著想多0的，愛自己多0的，咁就會少0的煩惱，內心會比較容易釋懷。

你說的心理恐懼，我也有，每兩年的全身檢查，這個反映過去身體退化程度的報告，結果往往難以估計的。眼部，腳部神經，腎臟，皮膚情況一旦變壞，醫生隨後的醫療力度又會加強，對我的活動限制更多。每天，刺手指檢血糖值，把結果記錄在EXCEL檔後反覆翻看每天，每星期，每個月，每三個月血糖值變化時，雖然心裡有數，可是某些時間你明明食得健康，運動得宜的時候也會出現血糖不佳的狀況。很氣人，也很無奈，更深一層是恐懼：究竟身體情況是否又有不好的變化。要戰勝這種深層恐懼，年紀漸大的我，每天信心也在動搖中，難矣！不過，抗戰已經開始，也無選擇餘地，戰戰兢兢地走也是必然的事。

你跨得過一次換腎，兩次換腎，無數次等候報告結果的磨練，內心其實已比其他人強頑。心中的不快，引用新任台灣總統馬英九的一句話：「勉強成習慣，習慣成自然。」當病人，本來就是苦樂參半，對嗎？

共勉之！

我有一段時間睇人生呢回事睇得好灰，但最後都係用左一個好強0既信念去將自己支撐起來，就係我要為我所愛0既每一個人而去努力生存。只要有一個愛護我0既人繼續存在，我都會撐落去，即使有日其他人都離開自己，我都會堅持我所愛0既人遺願，自己會去自愛，所以人生中係無一個值得死0既理由。

我訓過ICU，以上呢埋0野0係我當日身體最辛苦0既時候，望到所有關心我0既人0既眼淚而領悟到0既道理。